İşğaldan azad edilmiş ərazilərdə 135,5 km yol bərpa edilib
Tarix: 26-01-2021 12:55 | Bölmə: İqtisadiyyat
İşğaldan azad edilmiş ərazilərdə 135,5 km yol bərpa edilib

"İşğaldan azad edilmiş bütün ərazilərdə mövcud yolların mina və döyüş sursatlarından təmizlənərək bərpası və yeni yolların təmizlənməsi işləri aparılır".

Bunu jurnalistlərə açıqlamasında Mühəndis Qoşunları İdarəsinin rəis müavini, polkovnik Ceyhun Cəfərov deyib.

C. Cəfərov bildirib ki, paralel olaraq, digər dövlət qurumları ilə qarşılıqlı əlaqədə kommunikasiya xətlərinin çəkilməsi üçün həmin xətlərin keçdiyi ərazilərə ayrılmış qruplar tərəfindən minatəmizləmə tapşırıqları uğurla yerinə yetirilib: "Ümumilikdə 135,5 km yol bərpa edilib və 80 km yeni yol çəkilib".

Cəfərov vurğulayıb ki, ərazilərin mina və partlamamış döyüş sursatlarından tam təmizləməsi zamanı 1453 ədəd tank əleyhinə mina aşkar edilərək zərərsizləşdirilib. Bundan başqa, 5420 ədəd piyada əleyhinə mina və 17500 ədəd müxtəlif çaplı döyüş sursatları aşkar edilərək zərərsizləşdirilib.




Bölməyə aid digər xəbərlər
{sape_links}{sape_article}