Avropa İttifaqının Zirvə toplantısı təxirə salınıb
Tarix: 22-09-2020 21:06 | Bölmə: Xəbər lenti
Avropa İttifaqının Zirvə toplantısı təxirə salınıb

Avropa İttifaqının (Aİ) Prezidenti Şarl Mişel karantinə alındığı üçün Aİ-nin Zirvə toplantısı təxirə salınıb.

"Anadolu" Agentliyinin verdiyi xəbərə görə, 24-25 sentyabra planlaşdırılan tədbir təxirə salınaraq, oktyabrın 1-2-nə keçirilib.

Ş.Mişelin köməkçisi bildirib ki, buna səbəb Aİ Prezidentinin mühafizəçilərindən birinin  yeni növ koronavirus (COVID-19) testi pozitiv çıxıb və Ş.Mişel keçən həftə onunla təmasda olub.

Davamlı müayinədən keçən Ş.Milelin test nəticələri neqativ çıxsa da, Belçikada COVID-19-la mübarizə qaydalarına görə, Aİ Prezidentinin özünütəcrid etməsi şərtdir.

Qeyd edək ki, Aİ-nin sözügedən toplantıda Türkiyəyə qarşı sanksiyalar tətbiq olunacağı barədə yazılsa da, bu gün Rəcəb Tayyib Ərdoğanın Şarl Mişel və Almaniya kansleri Angela Merkellə videokonfrans formatında görüşündən sonra Türkiyəyə qarşı münasibətlərin yumşalacağı bildirilib/APA.




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}