Din xadimi şəhid ailələrini ziyarət edib
Tarix: 24-02-2021 21:31 | Bölmə: Xəbər lenti
Din xadimi şəhid ailələrini ziyarət edib

Azərbaycan Ordusunun rəşadəti nəticəsində Vətən müharibəsi tariximizə qızıl hərflərlə yazıldı. Təbii ki, 44 gün davam edən savaşda şəhidlərimiz və sağlamlığını itirən qazilərimiz də az deyil. Böyük ehtirama layiq olan, diqqət və qayğı ilə əhatə olunmuş şəhid ailələrini və qazilərimizi təkcə dövlət qurumları deyil, ayrı-ayrı vətəndaşlarımız da ziyarət edir, onlara öz köməkliklərini əsirgəmirlər.

Reyting.az
-ın məlumatına görə, Qafqaz Müsəlmanları İdarəsi Qazılar Şurasının üzvü, Bibiheybət məscidinin imamı Hacı Rahib Babayev 50 illik yubileyini bir qrup şəhid ailəsi ilə birlikdə qeyd edib.

Hacı Rahib Babayev Reyting.az-a açıqlamasında deyib ki, şəhid ailələrinə diqqət və qayğı göstərmək hər birimizin vicdan borcu olmalıdır: “Müzəffər Ali Baş Komandanımızın rəhbərliyi ilə yenilməz ordumuz işğalçıları torpaqlarımızdan qovaraq şəhər və kəndlərimizi azad etdi. Minlərlə əsgər və zabitimiz Vətən müharibəsində canını qurban verib Allah qatında ən uca sayılan Şəhidlik məqamına yüksəldilər. Qalib ölkənin vətəndaşı və din xadimi olaraq şəhid ailələrini ziyarət etməyi, şad günümü onlarla keçirməyi özümə borc bildim. Şəhidlərimizi dünyaya gətirən valideynlərlə, ailə üzvləri, övladları ilə görüşüb problemləri ilə maralandım, maddi yardım göstərdim”.

Din xadimi deyib ki, Vətən yolunda həyatını qurban verən şəhidlərin ünvanı bizim qürur yerimizdir, hər birimiz bu ailələrə ehtiram, diqqət və qayğı ilə yanaşmalıyıq.

Xatırladaq ki, Qafqaz Müsəlmanları İdarəsi Qazılar Şurasının üzvü Hacı Rahib Babayev Vətən müharibəsi günlərində öz şəxsi vəsaitindən Silahlı Qüvvələrə Yardım Fonduna iki min manat köçürüb.




Bölməyə aid digər xəbərlər
bütün xəbərlər
{sape_links}{sape_article}