17:38 / 28-03-2024
Əməkdar artist vəfat edib
Böyük faciəyə həsr olunmuş tamaşa nümayiş etdirilib - Fotolar
Tarix: 19-01-2020 16:24 | Bölmə: Mədəniyyət
Böyük faciəyə həsr olunmuş tamaşa nümayiş etdirilib

Bu gün Lənkəran Dövlət Dram Teatrında yazıçı-publisist Ağaddin Babayevin 1990-cı ilin 20 Yanvar hadisələrinə həsr olunmuş “Ağlama, qərənfil, ağlama” anım-tamaşası nümayiş etdirilib.

Teatrdan Reyting.az-a verilən məlumata görə, 30 il öncə Bakıda, Lənkəranda və digər bölgələrimizdə xalqımızın başına gətirilən müsibətlərdən bəhs edən səhnə əsərində igid oğul və qızlarımızın fədakarlığı məhəbbətlə təsvir olunur, onların işıqlı xatirəsi böyük ehtiramla yad olunur. Tamaşa 20 Yanvarın Azərbaycan tarixində qanla yazılmış bir səhifə açdığına, bu hadisələrin təkcə faciə deyil, həm də Azərbaycanın istiqlal yolunun ilk zirvəsi, milli məfkurəmizin azadlıq istəyinin oyanış günü olduğuna, tezliklə doğma Qarabağımızda da eyni mətinliklə qələbə qazanılacağımıza tamaşaçıda bir daha əminlik yaradır.

Rayondakı N saylı hərbi hissənin əsgər və zabitləri, ictimaiyyət nümayəndələri tərəfindən maraqla izlənilən səhnə əsərinin quruluşçu rejissoru Əməkdar incəsənət xadimi Oruc Qurbanov, quruluşçu rəssamı Fərahim Fərəcov, musiqi tərtibatçısı Miranda Qurbanovadır.

Rolları Xalq artisti Qabil Quliyev, əməkdar artist Sucəddin Mirzəyev, aktrisalar Şahrud Mehdiyeva, Aynur Əhmədova və Təranə Fərəcova ifa ediblər.

Böyük faciəyə həsr olunmuş tamaşa nümayiş etdirilib
Böyük faciəyə həsr olunmuş tamaşa nümayiş etdirilib




Bölməyə aid digər xəbərlər
{sape_links}{sape_article}