"Rokki" və Silvester Stallone haqqında film çəkilir
Tarix: 29-08-2025 14:05 | Bölmə: Mədəniyyət
"Rokki" və Silvester Stallone haqqında film çəkilir

"Rokki" filminin çəkilişlərindən, həmçinin baş rolun ifaçısı, Hollivudun kino ulduzu Silvester Stallonenin həyatından bəhs edən ekran əsərində Stallone obrazını aktyor Entoni İppolito canlandıracaq.

Reyting.az
xəbər verir ki, bu barədə Amerikanın "The Hollywood Reporter" nəşri yazıb.

"Yaşıl kitab" filminin rejissoru olmuş Piter Farreli deyib ki, o, 1976-cı ildə boksdan kinoya gələn və böyük uğura sahib olan Silvester Stallonenin klassikaya çevrilən "Rokki"-nin yaradılması ilə bağlı bu real hekayədən ilhamlanıb və həmin maraqlı tarixçə haqqında yeni bədii film çəkməyə hazırlaşır. Bu layihənin adı hələ ki, şərti olaraq "Mən Rokkini oynayıram" olacaq.

Yeni filmdə baş rola dəvət alan, gənc Silvestr Stallonenı canlandırmaq üçün seçilən kinoaktyor Entoni İppolito artıq yeganə namizəd kimi təsdiq edilib.

Gənc aktyor bundan əvvəl "Paramount" kino şirkətinin istehsalı olan "Təklif" serialında digər Hollivud ulduzu, aktyor Al Paçinonun obrazını canlandırıb.

1976-cı ildə nümayiş edilən "Rokki" filmi həmin ilin ən çox gəlir gətirən ekran əsəri olub, həmçinin 10 "Oskar" nominasiyası qazanmaqla, ABŞ-da ilin "Ən yaxşı film" mükafatını qazanıb.

Lakin indiyədək Hollivudun 79 yaşlı kino ulduzunun lentə alınması planlaşdırılan bu yeni layihəyə razılıq verib-vermədiyi, Silvester Stallonedən adının istifadəsi ilə bağlı bütün hüquqların alınıb-alınmadığı açıqlanmayıb.

Nəşr yazır ki, S. Stallone və "Rokki" haqqında yeni çəkiləcək filmin ssenari müəllifi Piter Qembıldir.

Oqtay QORÇU




Bölməyə aid digər xəbərlər