Diplomatik mənbə: “İran üçün kredit xəttinin açılması asan olmayacaq”
Tarix: 04-09-2019 18:25 | Bölmə: Siyasət
Diplomatik mənbə: “İran üçün kredit xəttinin açılması asan olmayacaq”

Fransanın bir diplomatik mənbəsi bildirib ki, rəsmi Tehran güzgü şirkəti qurmayana, çirkli pulların yuyulmasına və terrorizmin maliyyələşdirilməsinə qarşı beynəlxalq standartlara cavab verməyənə qədər İrana humanitar və ərzaq mallarını satmaq üçün Avropa ticarət mexanizmi işləməyəcək.

Reyting.az
“Reuters”-ə istinadla xəbər verir ki, ABŞ, Çin və Rusiya ilə birlikdə İranla 2015-ci il nüvə sazişinin tərəfləri olan İngiltərə, Fransa və Almaniya razılığa əsasən, İrana vəd edilən kompensasiyanı verməyə qərarlıdır.

Fransa prezidenti Emmanuel Makron bu səylərə rəhbərlik edir və İranın neft ixracını əvəz edəcək 15 milyard dollarlıq kredit xəttini açmağa çalışır, lakin bu, Vaşinqtondan da bir qədər dəstək tələb edir.

Bundan əlavə, avropalılar bir ildən çoxdur ki, “Instex” ticarət mexanizmini qurmağa çalışsalar da, o hələ də fəaliyyət göstərmir.

Diplomatik mənbə deyib: “İranın güzgü quruluşu işlək deyil. Lazımi FATF (Financial Action Task Force) şərtlərini imzaladıqları və onun sanksiyalara məruz qalmayacağına əmin olduğumuz gün “Instex” vasitəsilə ilk əməliyyatlardan danışacağıq”.

Fransanın xarici işlər naziri də güzgü şirkətinin qurulmadığını söyləyib.

Çərşənbə günü İran prezidenti nüvə sazişini saxlamaq üçün Avropaya daha 2 ay vaxt verib və diplomatik səylər nəticəsiz qalacağı təqdirdə, Tehranın nüvə fəaliyyətinə dair razılaşmanı daha da ciddi şəkildə pozmağa hazırlaşdığını xəbərdar edib.

Avropa rəsmiləri indiyə qədər FATF qaydalarına riayət edilməsinin “Instex” üçün əsas şərt olmadığını söyləyiblər.

İran parlamenti beynəlxalq standartları qəbul etmək üçün terrorun maliyyələşdirilməsinə qarşı bəzi yeni tədbirləri təsdiqləyib. Lakin Keşikçilər Şurası 2018-ci ildə qanun layihəsini bloklayıb.
скачать dle 10.5фильмы бесплатно




Bölməyə aid digər xəbərlər
{sape_links}{sape_article}