00:44 / 01-06-2020
1 iyun uşaqların günüdür
Rusiya Bəşər Əsədin postuna kimi gətirmək istəyir? - Fotolar
Tarix: 21-05-2020 15:39 | Bölmə: Siyasət
Rusiya Bəşər Əsədin postuna kimi gətirmək istəyir?

“Böyük güclər öz əlaltısı olan rejimlərin başında duran siyasətçiləri maraqlarına xidmət etdiyi ana qədər saxlayırlar. Maraqlarına cavab verməyəndə isə onları digəri ilə əvəz edirlər. Burada qeyri-adi bir hal yoxdur. Bu mənada Rusiyanın Suriya prezidenti Bəşər Əsəddən imtina etməsi, onu başqası ilə əvəzləməsi mümkün variantdır”.

Bəşər Əsədin hakimiyyətdən kənarlaşdırılacağı, onun əvəzinə Rusiyaya bağlı daha itaətkar şəxsin Suriya iqtidarına gətiriləcəyi ilə bağlı məsələni Reyting.az-a şərh edərkən politoloq Oqtay Qasımov deyib.

Rusiya Bəşər Əsədin postuna kimi gətirmək istəyir?
O. Qasımov

Onun sözlərinə görə, artıq dünya birliyinin Bəşər Əsədə münasibəti birmənalı deyil: “Baxmayaraq ki, BMT başda olmaqla bir sıra dövlətlər Bəşər Əsədi Suriyanın qanuni və legitim hakimiyyət başçısı kimi qəbul edir. Amma dünya siyasətində reallıqlar da var, Bəşər Əsədin dünyada imici qaniçən, kimyəvi silah tətbiq edən şəxs kimi formalaşıb. Əsədi Rusiya dəyişə bilər və onun təcrübəsində belə hallar olub. Mən Rusiya daxilində olan və ya postsovet məkanında baş verən müasir prosesləri demirəm. Rusiyanın yaxın keçmişi olan 1979-ci ildə Əfqanıstana müdaxilə dövrünü xatırlamaq kifayətdir. Ruslar Əfqanıstanda 6-7 il müdətində hakimiyyətdə 4 nəfəri dəyişib. Məsələn, Məhəmməd Davud Xanı devirdi, onun yerinə Nur Məhəmməd Təraqqi gəldi. 1979-cu ildə Təraqqi öldürldü və yerinə Hafizullah Emin gətirildi. Emin getdi, başqa bir siyasətçi hakimiyyətə gətirildi. 1986-cı ildə isə Nəcibulla üçün hakimiyyət qapısını açdılar. Yəni imperalist dövlətlər konyuktura və özünün maraqlarına cavab verən siyasətçiləri hakimiyyətdə saxlayırlar. Bu marağa cavab verməyən anda onu dəyişirlər. Hesab edirəm ki, Bəşər Əsədlə bağlı da belə proses yaşana bilər. Əslində Suriya parlamentinin deputatının Rusiyanı tənqid edərək “Əsəd əsəbləşsə nə olar”,- ritorik sual verməsi də Moskva ilə Bəşər Əsəd arasında ciddi anlaşılmazlıqların olduğunu göstərir. Bu tendensiyanın inkişaf etməsi Əsədin sonunu gətirə bilər”.

Rusiya Bəşər Əsədin postuna kimi gətirmək istəyir?
B. Əsəd və S. Həsən

O. Qasımov xatırladıb ki, Rusiya uzun müddətdən sonra Suriya ərazisində və dənizlərdə yerini tutduğu üçün mümkün qədər dirənmək və bu regionda varlığını davam etdirməyə çalışacaq: “Hərbi bazaları vasitəsilə də Suriya siyasətinə təsir imkanlarını saxlayacaq. Əgər Bəşər Əsəddən daha itaətkar və parlaq fiqur ortaya çıxacaqsa, Rusiya tərəddüt etmədən onu dəyişəcək”.

Xatırladaq ki, beynəlxalq media Bəşər Əsədin yerinə real namizəd kimi Süheyl Həsənin adını çəkir. Həsən Suriyanın V ordusunun komandanıdır və Rusiyaya xüsusi bağlılığı var. İddialara görə, Süheyl Rusiya Baş qərargah rəisinin Suriyadakı bir nömrəli adamıdır. Hətta Rusiya onu şücaətlərinə görə medalla da təltif edib.

Reyting.az
скачать dle 10.5фильмы бесплатно




Bölməyə aid digər xəbərlər
{sape_links}{sape_article}