17:38 / 28-03-2024
Əməkdar artist vəfat edib
Tofiq Yaqublunun oğlu hərbi xidmətə tam yararlıdır - Müayinə anı + Video
Tarix: 19-08-2020 21:24 | Bölmə: Siyasət
Tofiq Yaqublunun oğlu hərbi xidmətə tam yararlıdır - Müayinə anı + Video

Avqustun 17-də müsvatçı Tofiq Yaqublının qızı Nigar Həzi sosial şəbəkədə yazıb ki, əsgərlikdə olan qardaşı Yaqublu Rəhim Tofiq oğlu hərbi xidmətdən əvvəl futbol oynayarkən dizindən travma alıb və əməliyyata ehtiyacı olduğu halda hərbi hissədə müalicə olunmur.

Reyting.az
-ın məlumatına görə, avqustun 18-də Müdafiə Nazirliyi dərhal məsələyə reaksiya verib və deyilənlərin həqiqəti əks etdirmədiyini açıqlayıb.

Müdafiə Nazirliyinin məlumatında bildirilib ki, hərbi xidmətdən əvvəl sol ayağının diz nahiyyəsindən aldığı travma ilə bağlı o, bu ilin fevral, aprel və iyul aylarında bir neçə dəfə hərbi hospitalda hərbi həkim-travmatoloqlar tərəfindən müayinə olunub:

"Diaqnozlar əsasında bu travmanın xidmətə maneə yaratmadığına, hər hansı əməliyyata ehtiyac olmadığına dair əsgərin tibb kitabçasında müvafiq qeydlər aparılıb. Bununla belə əsgər R. Yaqublu müayinə olunması üçün sabah yenidən hərbi tibb müəssisəsinə göndəriləcək”.

Tofiq Yaqublunun oğlu hərbi xidmətə tam yararlıdır - Müayinə anı + Video

Azvision.az-ın əməkdaşı Silahlı Qüvvələrin Baş Klinik Hospitalında əsgər R. Yaqublunun müayinə prosesində iştirak edib.

Hospitalın ortopediya bölməsinin baş ordinatoru, tibb xidməti mayoru Bəhram Qurbanov sayta açıqlamasında bildirib ki, əsgər Rəhim Yaqublu Silahlı Qüvvələrin Baş Klinik Hospitalına sol dizində olan ağrı şikayəti ilə müraciət edib:

"Xəstə anamnezində üç il əvvəl futbol oynayarkən (mülki həyatda) aldığı travmanı göstərir. Həmin zədə ilə bağlı mülki həyatda tam müalicə alınmayıb.

Əsgərin hərbi xidməti dövründə, son vaxtlar sol dizində ağrı olması ilə bağlı şikayəti yaranmış və o, hospitala müraciət etmişdir. Tərəfimizdən xəstənin klinik-instrumental müayinələri aparılıb. Sol diz oynağının maqnit-rezonans tomoqrafik müayinəsi olunub.

Nəticədə məlum olub ki, xəstədə keçirdiyi köhnə travmaya bağlı olaraq sol diz oynağının çarpaz bağında qismi olaraq zədələnmə əlamətləri var. Bu əlamətlər hazırda heç bir cərrahi əməliyyata göstəriş deyil. Əsgər R. Yaqublunun heç bir cərrahi əməliyyata göstərişi yoxdur. Onun hər iki - sağ və sol dizlərində funksional göstəriciləri eynidir. Heç bir funksional pozuntu yoxdur. Sadəcə, xəstəyə bir neçə məsləhət verilib. Hansı ki, o, müəyyən fiziki hərəkətləri icra etməklə sol dizindəki funksionallığı tam bərpa edə bilər. Hazırkı xəstəliyi və diaqnozunun onun hərbi xidmət keçməsinə heç bir maneçiliyi və problemi yoxdur, xəstə hərbi xidmətə tam yararlıdır”.





Bölməyə aid digər xəbərlər
17-03-2024, 12:16 “Kompas” səmtini azıb

{sape_links}{sape_article}