21:06 / 11-06-2025
Acun Ilıcalı istefa verib
18:01 / 11-06-2025
Latviyalı nazir istefa verib
Professor: “Son iki gündə cəbhədə baş verənlər...”
Tarix: 03-09-2023 08:30 | Bölmə: Slayd
Professor: “Son iki gündə cəbhədə baş verənlər...”

“Ermənilərin son təxribatında onları dəstəkləyən qüvvələrin və xarici təbliğatçıların da rolu var. Amma hər bir təxribatçı əmələ Azərbaycan Ordusu qəti cavab verəcək”.

Bunu Reyting.az-a professor Cümşüd Nuriyev son günlər Azərbaycan-Ermənistan sərhədində baş verən erməni təxribatlarından danışarkən deyib.

Professor əlavə edib ki, aprel ayından sonra belə təxribatlar gözlənilirmiş. C. Nuriyevin sözlərinə görə, belə təxribatların törədilməsinin səbəbləri var:

“Azərbaycan dövləti aprelin 23-də Laçın dəhlizində sərhəd-keçid məntəqəsini qurdu. Bu, o deməkdir ki, Azərbaycan özünün ərazi bütövlüyünü təmin etdi. Bundan sonra ermənilər və onun xaricdəki havadarları nəyin baş verdiyinin fərqinə varmağa başladılar. Onda da artıq gec idi, çünki Azərbaycan dövləti artıq lazım olan addımı atmışdı və qətiyyətli olduğunu göstərmişdi. Ermənilər iş-işdən keçdikdən sonra təxribatlar törətməyə başladılar. Hesab edirəm ki, son iki gündə cəbhədə baş verənlər də bunun təzahürüdür”.

C. Nuriyev bildirib ki, ermənilər əvvəlcə “humanitar böhran” kimi əsassız fikirlər ortaya atıb, daha sonra Qarabağda yaşayan ermənilərə guya humanitar yük çatdırılması işinə başlayıblar: “Məqsəd Laçın dəhlizini əvvəlki - özlərinə sərf edən dövrə qaytarmaq idi. Amma Azərbaycan buna imkan vermədi və Ağdam-Xankəndi yolunu təklif etdi. Ermənilər həm də BMT Təhlükəsizlik Şurasında məsələ qaldırdı, amma istəklərinə çata bilmədilər. Bütün bunlardan sonra indi sərhəddə təxribatlar törədirlər. Guya Azərbaycanın imicinə kölgə salmaq istəyirlər. Amma alınmayacaq. Çünki indi əvvəlki dövr deyil. Ermənilər artıq xam xəyallardan əl çəkməli, dərin yuxudan ayılmalıdırlar”.

E. KAMAL




Bölməyə aid digər xəbərlər