16:28 / 19-06-2019
Deputat özünü öldürdü
Çoxsaylı vətəndaşlarımız müalicə xərclərindən azad olunacaq
Tarix: 31-05-2019 09:00 | Bölmə: Slayd
Çoxsaylı vətəndaşlarımız müalicə xərclərindən azad olunacaq

2020-ci ildən Azərbaycanın bütün rayon və şəhərlərində icbari tibbi sığortanın tətbiqi nəzərdə tutulur.

Reyting.az
xəbər verir ki, Baş nazirin müavini, Yeni Azərbaycan Partiyasının Sədr müavini Əli Əhmədov Trend-ə müsahibəsində deyib ki, icbari tibbi sığorta ilə bağlı Mingəçevir şəhəri, Yevlax və Ağdaş rayonlarında həyata keçirilən pilot layihələrdən əldə olunan nəticələr ümudvericidir. Ə. Əhmədovun sözlərinə görə, insanlar icbari tibbi sığortanın tətbiqindən məmnundurlar: “İkinci tərəfdən, icbari tibbi sığorta ilə məşğul olan mütəxəssislərin təcrübəsi formalaşıb. Artıq onlar da bu təcrübə əsasında bütün ölkə miqyasında icbari tibbi sığortanın tətbiqini daha inamla həyata keçirə biləcəklər”.

Baş nazirin müavini bildirib ki, icbari tibbi sığorta 2020-ci ilin yanvar ayından etibarən bütün ölkə miqyasında tətbiq olunacaq: “Bu barədə Azərbaycan Respublikası Prezidentinin fərmanı var, müvafiq təşkilati tədbirlər görülür. Güman edirəm ki, bu, Azərbaycanda Prezident İlham Əliyevin rəhbərliyi ilə həyata keçirilən ən böyük sosial layihələrdən biri olacaq. Burada çoxlu sayda insanlarımız müalicə üçün xərclərdən azad olacaqlar. Təqaüdçülər, uşaqlar, əmək qabiliyyətini itirənlər və başqaları bu qəbildəndir. Bu kateqoriyalı insanların müalicəsi ilə əlaqədar bütün sığorta xərcləri dövlət tərəfindən ödəniləcək. Digər kateqoriya, yəni işləyən insanların isə əməkhaqqından və onları işə götürən müəssisə tərəfindən müəyyən faiz ödəniləcək və sığorta hesabına müalicə alacaqlar”.

Çoxsaylı vətəndaşlarımız müalicə xərclərindən azad olunacaq
Ə. Əhmədov

Ə. Əhmədov diqqətə çatdırıb ki, icbari tibbi sığortanın tətbiqi əhalinin sosial vəziyyətinin yaxşılaşmasına kömək edəcək. Eyni zamanda insanlara daha keyfiyyətli tibbi xidmətin göstərilməsi təmin olunacaq. Bununla yanaşı ölkə üzrə həkimlər daha yaxşı əməkhaqqı ala biləcək və insanların həkimlərə qarşı tələbkarlığı da artacaq. Çünki sığorta sistemində hər bir həkim müalicə etdiyi insana görə əməkhaqqı alacaq. Daha çox insana xidmət göstərən həkim yüksək əməkhaqqı alacaq, bu və ya digər səbəblərdən az xəstə qəbul edənlər isə aşağı əməkhaqqı almaq məcburiyyətində qalacaqlar. Həkimlər də daha keyfiyyətli xidmət göstərməyə çalışacaqlar ki, insanlar məhz onların qəbuluna gəlsinlər. Beləliklə, səhiyyənin keyfiyyəti yüksələcək.

İşsiz kimi qeydiyyata alınan insanların sığorta haqlarının kim tərəfindən ödəniləcəyinə gəldikdə, Ə. Əhmədov diqqətə çatdırıb ki, işləyən və ya sahibkarlıqla məşğul olan insanlar özlərinin sığorta haqlarını ödəyəcəklər. İşsiz kimi qeydə alınan insanların sığorta haqları isə dövlət tərəfindən ödəniləcək. Onlar müvafiq yardım alacaq. Yəni tibbi xidmətdən kənarda qalan insan olmayacaq. Bu, bütün dünyada tətbiq olunan formada Azərbaycanda da reallaşacaq.

Baş nazirin müavini deyib ki, hazırda icbari tibbi sığorta üçün insanların əməkhaqqından nə qədər faiz tutulacağı dəqiqləşdirilir: “Nazirlər Kabinetinin bununla bağlı müvafiq qərarı olacaq. Elə də yüksək rəqəm deyil və vətəndaşlar, eyni zamanda işə götürənlər üçün böyük yükə çevrilməyəcək. Bu gün Azərbaycanda dünyanın digər ölkələrində olduğu qədər sığorta haqqı tutulmasından söhbət gedə bilməz. Təbii ki, gələcəkdə Azərbaycan vətəndaşlarının əməkhaqları yuxarı olduqca, tutulan sığorta haqları da arta bilər. Biz çalışmalıyıq ki, Azərbaycanda tibbi xidmət səviyyəsi yüksək olsun”.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}