17:04 / 23-07-2019
Dollar neçəyə olacaq?
Vilayət Eyvazov daxili işlər orqanlarında dəyişiklik edəcək - Deputat
Tarix: 21-06-2019 19:42 | Bölmə: Slayd
Vilayət Eyvazov daxili işlər orqanlarında dəyişiklik edəcək

“Vilayət Eyvazov uzun illərdir daxili işlər orqanlarında çalışır. Tamamilə Ramil Usubovun yetirməsidir. O, Ramil müəllimin iş üslubuna, keyfiyyətinə, təşkilatçılığına bələd olan bir insandır. Hesab edirəm ki, onun Daxili işlər naziri təyin olunması olduqca məqsədəuyğun idi”.

Reyting.az
xəbər verir ki, bunu Milli Məclisin Hüquq siyasəti və dövlət quruculuğu komitəsinin üzvü, deputat Çingiz Qənizadə ötən gün Prezident İlham Əliyevin sərəncamı ilə Vilayət Eyvazovun Daxili işlər naziri təyin olunmasına münasibət bildirərkən “Yeni Sabah”a deyib.

Ç. Qənizadənin sözlərinə görə, V. Eyvazov polis strukturunu və əməkdaşlarını yaxından tanıyır: “Kənar adamın ora təyin olunması müəyyən çətinliklər yaradardı. Çünki ölkədə ictimai-siyasi sabitliyin bərqərar olunmasının ağır yükü həmişə polisin çiynində olub. Təbii ki, hüquq-mühafizə orqanlarının, təhlükəsizlik xidmətinin də, amma ictimai asayişdən söhbət gedirsə, yük həmişə polisin çiynində olub. Ona görə, bu qurumlara yaxından tanış olan, müəyyən idarəçiliyə və nüfuza malik şəxsin təyin olunması və təyinatın Vilayət müəllimin şəxsində olması məqsədəuyğundur”.

Deputat hesab edir ki, cənab Prezident ölkədə yeni islahatların başlanğıcı siqnalını verib: “Bununla bağlı fərman və sərəncamlar imzalayır. Aprel ayının 3-də məhkəmə-hüquq sahəsində islahatların daha da dərinləşdirilməsi ilə bağlı fərmanla, həm də kadr islahatlarının aparılması vacibdir. O cümlədən, yeni kadr islahatı ilə həm Dövlət Təhlükəsizliyi Xidmətinə Əli Nağıyevin təyin olunması, həm Daxili işlər naziri kimi Vilayət müəllimin, həm də Mədət müəllimin başqa sahəyə təyinatı bu islahatların tərkib hissəsidir.

Məncə, Vilayət Eyvazov daxili işlər orqanlarında yeni islahatın aparılma mərhələsinin başlanğıcını qoyacaq. O mənada demirəm ki, bu orqanlarda hansısa qüsurlar var idi. Ancaq günün tələblərinə uyğun, Ramil Usubovun apardığı islahatların davamçısı olaraq bu sahədə sözünü deyəcək”.

Ç. Qənizadə bu sahədə hansı dəyişikliklərə ehtiyac olduğundan da danışıb:

“Birincisi, arzu edərdim ki, daxili işlər orqanlarında yeni təyin olunmuş rəhbər şəxslərdən sonra həmin idarə və şöbələrdə digər əməkdaşların yerdəyişmələrinə və təyin olunan rəisin öz adamlarının o yerə, rəhbərlik etdiyi quruma gətirməsinə son qoyulsun. Yəni rəis təyin olunduqdan dərhal sonra tutaq ki, rayon polis idarəsinin rəisi müəyyən adamları şöbə rəisi və müavinləri, digər vəzifəli şəxslərin yerlərinin dəyişdirilməsinə çalışır. Belə hesab edirəm ki, bu lazım deyil. Çox istəyərdim ki, Vilayət müəllim bu sahədə olan müəyyən məqamları dayandırsın. Hansısa rəhbər şəxs işindəki nöqsanlara görə vəzifəsindən kənarlaşdırılmayıbsa, yeri dəyişdirilibsə, onda onun tabeliyində olanların yeni təyinatla yerlərinin dəyişdirilməsi, sərəncama göndərilməsi praktikasına son qoyulmalıdır. Bu, polis əməkdaşları arasında müəyyən narazılıqlara səbəb olan məqamlardan biri idi.

Vaxtilə Vilayət Eyvazovla görüşlərimin birində bu məsələni qabartmışdım. Ümumilikdə, Azərbaycan polisi Azərbaycan vətəndaşlarının hüquq və azadlıqlarının qorunması ilə bərabər, həm də ictimai asayişin qorunmasında həmişə olduğu kimi öndə olmalıdır və olacaqlar. Həm də keçmiş Daxili işlər naziri Ramil Usubov kimi müəyyən insanlar üçün əlçatan olmalıdır. Millət vəkilləri olaraq həmişə Ramil müəllimlə əlaqədə ola bilirdik. Digər qurumların, qeyri-hökumət təşkilatlarının rəhbərləri, redaktorlar üçün də Ramil müəllim əlçatan idi. Bu praktikanın davamlı olmasını arzu edərdim”.

Deputat hesab edir ki, cənab Prezidentin qarşıya qoyduğu müəyyən tələblərin yerinə yetirilməsində V. Eyvazov öz peşəkarlığı, savadı, nüfuzu və şəxsi keyfiyyəti ilə öndə ola biləcək.

DYP ilə bağlı narazılıqlara gəldikdə, Ç. Qənizadə qeyd edib ki, Dövlət Yol Polisi əməkdaşlarının son illərdəki davranışı, insanlarla münasibəti və əsassız yerə insanların saxlanması ilə bağlı hər hansı xoşagəlməz halların azalması və sıfıra enməsinə görə, DYP ilə bağlı neqativ fikirlər söyləmək düzgün deyil: “Çünki onlar da gecə-gündüz iş başındadırlar. Şəhərdə, yollarda bizim müəyyən təhlükəsizliyimizi qoruyurlar. Daxili işlər orqanları böyük bir qurumdur. Say etibari ilə insanlarla işləyən, həm də kəmiyyət və keyfiyyətcə insanlarla daha çox təmasda olurlar. Müəyyən narazılıqlar ola bilər, amma bu narazılıqlar əsaslı deyilsə, dərhal buna reaksiya verib, tənqidi mövqedən çıxış etmək düzgün olmazdı.

Mayın 30-da parlamentdə çıxışımda da yol polisinə Avro Liqanın final oyunundan əvvəl və sonrakı günlərdə ictimai asayişi yüksək keyfiyyətdə qoruduqlarına görə təşəkkür etdim. Eyni zamanda qeyd etdim ki, Azərbaycan polisi ölkədə sabitliyin qorunmasında həmişə olduğu kimi professional şəkildə bir daha bu işin öhdəsidən gəlməyə qadir olduqlarını sübut etdilər. Bir vətəndaş kimi arzu edirəm ki, ölkəmizdə ictimai-siyasi sabitlik olsun”.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}