17:04 / 23-07-2019
Dollar neçəyə olacaq?
Komitə Qarabağ məsələsini siyasi alver predmetinə çevirib - İttiham
Tarix: 04-07-2019 19:54 | Bölmə: Slayd
Komitə Qarabağ məsələsini siyasi alver predmetinə çevirib

“Qarabağ Komitəsi Qarabağ Azadlıq Təşkilatının təşəbbüsü ilə yaradılmışdı. Biz insanları ora topladıq ki, iqtidarlı-müxalifətli hamımız bir yerdə Qarabağın azad olunması üçün çalışaq. Amma bəzi şəxslər buna mane oldu və qurumun fəaliyyət istiqamətini dəyişdirdilər”.

Bunu Reyting.az-a açıqlamasında Qarabağ Azadlıq Təşkilatının (QAT) sədri Akif Nağı səsləndirib. O bildirib ki, Qarabağ Komitəsinin rəhbərliyinə daxil olan bəzi şəxslər qurumun fəaliyyəti ilə bağlı əsas prinsipləri pozduqları üçün buna etiraz edib: “Əvvəldən dedik ki, Qarabağın işqağldan azad olunma yolu iqtidarla müxalifətin, dövlətlə cəmiyyətin əlaqəli fəaliyyətindən keçir. Hakimiyyət də bununla razılaşdı, birinci mitinqə icazə verdi. Amma Qarabağ Komitəsində təmsil olunan bəzi şəxslər razılaşmanı pozdular. Hakimiyyət daxilindəki hansısa qruplaşmalardan, yaxud xaricdən aldıqları sifariş əsasında birinci mitinqdən sonra bizim ortaya qoyduğumuz platformadan kənara çəkildilər. Əslində mitinqin özündə bu prinsipi pozub, “İstefa!” şüarı səsləndirdilər. Halbuki biz razılaşmışdıq ki, “İstefa!” şüarı, filan olmasın. Əgər Qarabağın azadlığına hakimiyyətlə bir yerdə çalışırıqsa, burada istefa tələbi ola bilməz. Amma bu tələbi pozdular, daha sonra Qarabağ Komitəsini müxalifətin mərkəzi kimi formalaşdırmağa başladılar. Mən də izah elədim ki, siz yanlış yoldasınız. Dedim ki, əgər müxalifət mərkəzi kimi fəaliyyət göstərmək istəyirsinizsə, başqa platformalar var. Sonra onlar mənim ordan uzaqlaşmağımı rəsmiləşdirdilər. Ondan sonra biz də QAT-ın ordan çıxması ilə bağlı qərar qəbul etdik”.

Komitə Qarabağ məsələsini siyasi alver predmetinə çevirib
A. Nağı

QAT sədri qeyd edib ki, hazırda Qarabağ Komitəsi ilə hər hansı əlaqələri yoxdur:

“Biz Qarabağ Komitəsini mənasız qurum hesab edirik. Həftədə bir dəfə toplaşırlar, şəkil çəkdirib paylaşırlar. Bunu qısqanclıq mənasında demirəm. Mən hər zaman demişəm ki, QAT Qarabağ məsələsini inhisara almayıb. Bu məsələ ilə bağlı hər kəs çalışmalıdır”.

A. Nağı sonda qeyd edib ki, Qarabağ məsələsini siyasi alver predmetinə çevirmək olmaz: “QAT hər zaman bu cür fəaliyyətlərə qarşı çıxıb, bundan sonra da çıxacaq. Onsuz da 90-cı ilin əvvəllərində siyasi oyunlara görə Qarabağı qurban verdilər. İndi də bu adla siyasi oyunlarını davam etdirmək istəyənlər var. Biz də buna qarşıyıq”.

Komitə Qarabağ məsələsini siyasi alver predmetinə çevirib

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}