SSRİ-yə tətbiq edilmiş planı İrana qarşı reallaşdırmaq istəyirlər - Professor
Tarix: 17-02-2020 11:23 | Bölmə: Slayd
SSRİ-yə tətbiq edilmiş planı İrana qarşı reallaşdırmaq istəyirlər

“İran məsələsi dünyanın siyasi gündəmindən çıxmayıb. Hələlik başqa proseslər önə keçsə də, İran məsələsi başlı-başına buraxılmayacaq. Vaxtı çatanda əsas problem kimi dünyanın gündəminə gətiriləcək”.

Bu sözləri Reyting.az-a professor Əli Abbasov general Qasım Süleymaninin (İranın "Qüds" qüvvələrinin komandanı) öldürülməsindən sonra İran məsələsinin gündənmdən çıxması haqda deyilənləri şərh edərkən bildirib.

Professor İranın Qərbin gündəmindən çıxması haqda iddialarla razılaşmır. Onun sözlərinə görə, İran məsələsi ABŞ-ın gündəliyindən çıxa bilməz: “Sadəcə, biz ona öyrəşmişik ki, mətbuat nəsə yazır, informasiya verir. Son zamanlar İranla bağlı qabarıq informasiylar yoxdur. Amma nəzərə alın ki, mətbuat da hər şeydən yaza bilməz. Sadəcə, mətbuat daha çox Suriya və ya Liviya məsələsini qabarıq formada tirjlayır və biz də düşünürük ki, İran məsələsi artıq gündəmdən çıxıb. Amma nəzərə alın ki, İranda insanlar yaşayır, cəmiyyət var və ABŞ bu ölkəni unutmur, buraxmayıb. Problem qalıb və ABŞ tədricən addımlarını atır.

Yeri gəlmişkən, Trampın Fələstinlə əlaqədar açıqladığı “Əsrin müqaviləsi” birinci növbədə İrana qarşıdır. Bu sülh müqaviləsini ona görə həyata keçirmək istəyirlər ki, İranı Fələstindən sıxışdırıb çıxarsınlar”.

SSRİ-yə tətbiq edilmiş planı İrana qarşı reallaşdırmaq istəyirlər
Ə. Abbasov

Ə. Abbasov əlavə edib ki, ABŞ prezidenti Donald Tramp İranla bağlı ən sərt addımlarını atıb: “Düzdür, “Əsrin müqaviləsi” sülh planına Avropa isti yanaşmadı. Fələstin lideri Mahmud Abbas da açıq elan etdi ki, Fələstini heç kim pendirə çevirə bilməz. Sadəcə, hazırda ABŞ-da prezident seçkiləri keçirilir. Məsələn, Tramp yeganə prezidentdir ki, müharibəyə əl atmır və planlarını müharibəsiz yoluna qoymağa çalışır. O cümlədən də İranla bağlı”.

Professor hazırda İranda vəziyyətin yaxşı olmadığını diqqətə çatdırıb: “Bu ölkədə devolvasiya gedir, iqtisadiyyat ildən-ildən zəifləyir. Bu amildən istifadə edəcəklər. Necə ki, vaxtında SSRİ-yə qarşı belə planı tətbiq etmişdilər. Odur ki, İran məsələsinin guya ABŞ və Qərbin gündəmindən çıxması haqda fikirlər əsassızdır”.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}