Putin etimadı itirir: sanksiyalar və hərbi müdaxilələr Rusiyaya milyardlarla ziyan vurur - Fotolar
Tarix: 08-03-2020 16:08 | Bölmə: Slayd
Putin etimadı itirir: sanksiyalar və hərbi müdaxilələr Rusiyaya milyardlarla ziyan vurur

Sanksiyalar səbəbindən Qərbin maliyyə resurslarına çıxışı bağlanan Rusiya iqtisadiyyatı ciddi problemlərlə üzləşib. Dövlət şirkətlərinin ölkənin ən əhəmiyyətli sahələrinə nəzarət etməsi və özəl sektora zəif yatırımlar isə problemləri daha da artırır.

Reyting.az
bildirir ki, Rusiyanın iqtisadiyyatı onun siyasi səhnədəki “fövqəldövlət” imicinə adekvat olmasa da, Ukrayna və Suriyada hərbi həmlələrə başlaması ilə tənəzzül mərhələsinə daxil olub. Yalnız illik ortalama 1 faiz səviyyəsində böyümə tempinə çata bilib.

Rusiyada vətəndaşların gəlirləri 2014-2017-ci illərdə 8,4 faiz geriləyib, 2018-2019-cu illərdə gəlir itkisinin yalnız 10 faizini kompensasiya etmək mümkün olub.

Rusiya Baş nazirinin köməkçisi Tatyana Qolikova bir müddət əvvəl açıqlamasında qeyd edib ki, 2018-ci ilin sonundan etibarən ölkədə 18,5 milyon insan yoxsulluq həddində yaşayır.

Rusiyanın İqtisadiyyat və İnkişaf Nazirliyi ötən il iqtisadiyyatın böyüməsinin 1,3 faiz çərçivəsində baş verəcəyinin ardınca, böyümənin 2020-ci ildə 2 faizə qalxacağını proqnozlaşdırırdı. Amma koronavirus epidemiyası, habelə neftin bir barelinin 50 dollara qədər ucuzlaşması vəziyyəti Rusiyanın əleyhinə dəyişib.

Rusiyanın bir nömrəli ixracat sahəsi olan neft satışından gəlir əldə etmək üçün ən aşağı hədd 42 dollardır. Neftin qiymətinin ucuzlaşdırılması siyasəti rus rublunu və birjasını itkilərlə üzləşdirib. Məsələn, rus rublu dollar qarşısında 2019-cu ilin sentyabrından bu yana ilk dəfə 67 səviyyəsinə, avro isə 74 səviyyəsinədək geriləyib.

Putin etimadı itirir: sanksiyalar və hərbi müdaxilələr Rusiyaya milyardlarla ziyan vurur

Məhz bu səbəbdən Rusiyanın iqtisadiyyat və inkişaf naziri Maksim Reşetnikov ötən həftə verdiyi açıqlamada ölkə iqtisadiyyatının böyümə təxminlərini yenidən gözdən keçirəcəklərini bildirib. O, “koronavirusun təsirlərinin rus iqtisadiyyatına təxmin ediləndən daha dərin olacağını anlayrıq”, - ifadəsini də işlədib.

Rusiya Federasiyasının maliyyə naziri Anton Siluanov isə ölkənin ən böyük ticarət tərəfdaşı olan Çinlə ticarətdə gündəlik 15 milyon dollara qədər itki verdiyini açıqlayıb. Bu səbəbdən də hazırda epidemiyaya görə Çinlə sərhədlərini bağlayan, Çin vətəndaşlarına viza verilməsini dayandıran Rusiyanın turizm sektorunun daha ciddi itkilərə məruz qalacağına şübhə yeri qalmır.

Rusiya Turizm Birliyinin təxminlərinə görə, koronavirus səbəbindən rəsmi Moskvanın tədbirləri 2 ay müddətində davam edəcəyi təqdirdə turizm sektorunun itkiləri 30 milyard rubla (450 milyon dollara) bərabər olacaq.

Moskvada yerləşən Makroiqtisadi Analiz və Təhlil Mərkəzi bildirir ki, ölkədən sərmayə çıxışı və xarici borcların artması yenidən maliyyə bazarında qarışıqlıq yaradacaq və bu, 10 milyard civarında artacaq.

Rusiyanın ictimai rəyi araşdırma mərkəzi “Levada Center”in fevralda yayımladığı anketdə qeyd olunur ki, Rusiya prezidenti Vladimir Putinə inam 2017-ci ildən bu yana 59 faizdən 35 faizə qədər geriləyib. Mərkəzin rəhbəri Lev Gudkov bildirib ki, prezidentə etimadın azalması tədricən davam edir və bu vəziyyət ani dəyişmələrdən daha qətiyyətlidir: “Pul qazanmağın çətinlikləri və iqtisadiyyatla bağlı məmnuniyyətsizlik artır”.

Kreml isə hələlik Putinə etimadın azalmasına ciddi yanaşmır. Kremlin sözçüsü və Putinin “sağ əli” olan Dmitri Peskov qeyd edib ki, dövlət başçısına etimadın təsirinin artdığı digər ictimai rəy mərkəzlərinin araşdırmasında öz əksini tapıb.

Rusiyada təqaüd yaşının kişilər üçün 60-dan 65-ə, qadınlar üçün 55-dən 63-ə qaldırılması 2019-cu ildə minlərlə insanın qatıldığı etiraz aksiyalarına səbəb olmuşdu.

Daha bir ciddi məsələ isə Rusiyanın dövlət büdcəsində Ukrayna və Suriya yüküdür.

Putin etimadı itirir: sanksiyalar və hərbi müdaxilələr Rusiyaya milyardlarla ziyan vurur

Moskvanın Ukraynaya müdaxiləsi səbəbindən məruz qaldığı sanksiyaların ardınca Suriyada həyata keçirdiyi hərbi əməliyyatlar da büdcəyə əlavə yük sayılır. Maraqlıdır ki, Rusiya hökuməti Suriyadakı maliyyə xərclərini “dövlət sirri” elan edərək məxfi saxlayır. Amma rusiyalı və beynəlxalq ekspertlərin hesablamalarına görə, regiondakı əməliyyatlar üçün dövlət büdcəsindən günlük 4 milyon dollar xərclənir. Bu prosesin az qala 10 ildir davam etdiyini nəzərə aldıqda, bəlli olur ki, Rusiya Suriya və Ukraynadakı maraqları üçün milyardlarla dolların keçir.

Rusiyanın müxalif “Yabloka” partiyasının mütəxəssisləri 2018-ci ildə təyyarələrin toplam sayı, atılan kalibr müşahidə raketləri, hərbi personal və qida kimi əsas məqamları nəzərə alaraq apardıqları analizin nəticələrini açıqlayıblar. Bildirilir ki, 2018-ci ilin martından Rusiyanın Suriya əməliyyatlarına xərcləri pul kütləsi ilə 250 milyard rubl (3,7 milyard dollar) həcmindədir. Bu və digər xərclər isə Rusiya iqtisadiyyatında ciddi geriləmələrə səbəb olur.

Reyting.az




Bölməyə aid digər xəbərlər