17:38 / 28-03-2024
Əməkdar artist vəfat edib
Qarabağın azad olunmasına hazırlığa Xarici İşlər Nazirliyindən başlamaq lazımdır
Tarix: 22-06-2020 00:50 | Bölmə: Slayd
Qarabağın azad olunmasına hazırlığa Xarici İşlər Nazirliyindən başlamaq lazımdır

“Ermənistan rəhbərliyinin, xüsusilə Baş nazir Nikol Paşinyanın Dağlıq Qarabağ münaqişəsinin həlli istiqamətində sərgilədiyi davranışlar göstərir ki, mənfur qonşularımız nəinki özlərinin işğalçılıq siyasətindən əl çəkmək, münaqişəni beynəlxalq hüquq normalarına, BMT-nın məlum qətnamələrinə uyğun olaraq sülh yolu ilə həll etmək istəmirlər, əksinə, bütün mümkün vasitə və qarayaxmalarla Azərbaycana böhtan atmaq və özlərinin işğalçılıq siyasətinə haqq qazandırmaq istəyirlər”.

Reyting.az
xəbər verir ki, bunu Təkamül Partiyasının sədri, iqtisadçı-alim Teyyub Qənioğlu bildirib.

T. Qənioğlu qeyd edib ki, ermənilərin növbəti qarayaxma cəhdi iyunun 18-də Şərq Tərəfdaşlığı Proqramına üzv ölkələrin videokonfrans formatında keçirilən sammitində Nikol Paşinyan tərəfindən edilib. Onun sözlərinə görə, mövzudan kənarlaşan Paşinyan azərbaycanlı zabit Ramil Səfərovun erməni zabitini öldürməsi məsələsini növbəti dəfə qaldırıb və Azərbaycanı irqçilikdə günühlandırmağa cəhd edib: “Ancaq Paşinyanın ara qarışdırmaq planı yenə alınmadı. Azərbaycan prezidenti Paşinyana ölkəsinin yaxın keçmişini xatırladaraq Ermənistanın terrorçuluğu dövlət səviyyəsində himayə etdiyini faktlarla bir daha dünya ictimaiyyətinin nəzərinə çatdırdı və ona irqçilik haqqında danışmağı məsləhət görmədi”.

Partiya sədri diqqətə çatdırıb ki, Azərbaycan Respublikasının Prezidenti sammitdəki çıxışı və Paşinyanın böhtan cəhdinə layiqli cavabı ilə Azərbaycanın işğalla heç vaxt barışmayacağını, ölkəmizin mənfur qonşularımız üzərində psixoloji üstünlüyünü bir daha nümayiş etdirib:

“Ancaq Ermənistanın və qondarma “DQR”-in Qarabağda və işğal edilmiş digər Azərbaycan topraqlarında geniş vüsət alan məskunlaşdırma, tikinti-quraşdırma işlərindən göründüyü kimi, xarici havadarlarının dəstəyinə arxalanan Ermənistan heç vaxt Qarabağ münaqişəsinin sülh yolu ilə həllinə getməyəcək. Ermənistanda nəinki Dağlıq Qarabağı, heç işğal edilmiş digər rayonlarımızı azad etmək istəmirlər. Xristian üçlüyünün, reallıqda Ermənistanın işğalçılıq siyasətini dəstəkləyən dövlətlərin təmsil olunduğu ATƏT-in Minsk qrupu çərçivəsində aparılan sonu görünməyən və əhəmiyyətsiz sülh danışıqları isə Ermənistanın işğal edilmiş ərazilərdə daha da möhkəmlənməsindən başqa bir şeyə yaramır. Danışıqlar masası üzərində olan heç bir palan, o cümlədən mərhələli həll planı, münaqişənin Azərbaycanı qane edəcək həllinə imkan verməyəcəkdir”.

Partiya sədri mərhələli həll planına da diqqət çəkərək bu planın Dağlıq Qarabağ münaqişəsinin həlli üçün əhəmiyyətsiz olduğunu qeyd edib:

1. Dağlıq Qrabağ ətrafında işğal edilmiş ərazilərin uzun müddət ərzində mərhələlərlə azad edilməsi (müxtəlif variantlarda).

2. Dağlıq Qarabağın özünü idarə etməyə imkan verən yekun statusunun Azərbaycanın razılığı ilə öz iradəsini ifadə etmə əsasında, başqa sözlə, referendum yolu ilə müəyyən edilməsi.

Bu, Azərbaycan Konstitusiyasına ziddir.

3. Ermənistanı Dağlıq Qarabağla əlaqələndirəcək dəhlizin yaradılması.

Bu təklifin mahiyyəti ondan ibarətdir ki, həmin dəhliz Azərbaycanın nəzarətində olmamalıdır və maraqlı tərəflərin əzəli Azərbaycan ərazisinə nəzarətsiz girişi təmin olunmalıdır!

4. Uzunmüddətli həll çərçivəsində qaçqın və məcburi köçkünlərin öz əvvəlki yaşayış yerlərinə qayıtmaq hüququnun tanınması.

Fikir verin, qaçqın və məcburi köçkünlərin öz əvvəlki yaşayış yerlərinə qayıtmaq hüququnun tanınmasından söhbət gedir, qayıtmalarından yox!

5. Sülhməramlı əməliyyatı özündə ehtiva edəcək beynəlxalq təhlükəsizlik təminatlarının verilməsi.

Bu təklifin mahiyyəti ondan ibarətdir ki, onun qəbul edilməsi gələcəkdə Azərbaycanın Dağlıq Qarabağ üzərində süveren hüququqlarının hərb yolu ilə bərpa ediləcəyini istisna edir, başqa sözlə, Dağlıq Qarabağın əbədi itirilməsinə təminat verilir.

Göründüyü kimi, mərhələli həll planı böyük anlamda Azərbaycanın Dağlıq Qarabağ üzərində qanuni hüquqlarının bərpasına təminat vermir. Ona görə də, Dağlıq Qarabağ da daxil olmaqla işğal edilmiş ərazilərimizin azad edilməsi üçün hərb yolunun alternativi yoxdur! Təbii ki, ərazilərin hərb yolu ilə azad edilməsi ciddi hazırlıq tələb edir”.

T. Qənioğlunun fikrincə, hazırlığa ilk növbədə Azərbaycanın Xarici İşlər Nazirliyindən (XİN) başlamaq lazımdır:

“Ermənistan XİN-in Azərbaycanın keçmiş Şaumyan rayonu ilə bağlı bəyanatına Azərbaycan XİN-nin cavab bəyanatı bir daha göstərdi ki, Xarici İşlər Nazirliyi çərçivəsində kadr islahatlarının aparılmasına, nazirliyin Azərbaycanın tarixinə dərindən bələd olan, azərbaycan dilini sərbəst, mükəmməl bilən vətənpərvər kadrlarla təminatına ehtiyac vardır. XİN-nin Azərbaycan tarixinə bələd olmayan əməkdaşları heç olmasa cənab Prezidentin çıxışlarını dərindən öyrənsinlər. Bununla yanaşı, hakimiyyət strukturları dövlətin daxili və xarici, xüsusilə hərbi, siyasətinə təsir gücünə malik olan erməni və ruspərəst məmurlardan, 5-ci kalon təmsilçilərindən təmizlənməlidir”.

Partiya sədri bildirib ki, ərazilərimizi işğadan azad etmək üçün Azərbaycanın kifayət qədər güclü hərbi qüvvəsi var. Ancaq Ermənistan üzərində qısa müddətdə qəti qələbənin qazanılması hərbi cəhətdən bir neçə dəfə üstünlük şərti ilə təmin edilə bilər. Ona görə də, ölkəmizin hərbi qüdrətinin daha da artırılması istiqamətində işlər daha sürətlə davam etdirilməli, bu sahədə dost ölkələrlə əməkdaşlıq genişləndirilməlidir: “Maraqlı dost dövlətlərlə əsgəri mübadiləni nəzərdə tutan ikitərəfli hərbi müqavilələrin bağlanması da məqsədəuyğun olardı. Bu, Azərbaycanın Qoşulmayan ölkələr qrupunda təmsilçiliyinə zidd deyildir”.

T. Qənioğlu onu da qeyd edib ki, iqtidar-vətəndaş birliyinin təmin olunması və qorunması müharibə şəraitində qələbəni təmin edən əsas amillərdən biri və birincisidir: “Bu sahədə ölkəmizdə mövcud şəraiti qənaətbəxş hesab etmək olar. Ancaq nəzərə almaq lazımdır ki, korrupsiya və rüşvətxorluq, məmur özbaşınalığı, vətəndaşların hüququqlarının pozulması vətəndaşı dövlətdən narazı salır, qanunu kimin pozmasından asılı olmayaraq vətəndaş təqsiri dövlətdə görür. Ona görə də, korrupsiya və rüvətxorluğa, qanun pozuntularına, məmur özbaşınalığına qarşı son dövrdə aparılan tədbirlər davamlı və şəffaf olmalı, kimliyindən asılı olmayaraq təqsirkarlar layiqli cəzalarını almalıdırlar.

Azərbaycan torpaqlarımızı hərb yolu ilə işğaldan azad etmək qərarına gəldikdə (biz buna qəti olaraq inanırıq!) şimaldan və cənubdan kimlərlə həmsərhəd olduğumuzu da nəzərdən qaçırmamalıdır. Bu, asan məsələ olmasa da, mümkünsüz də deyildir. Xalqına güvənən dövlətimizin bunun öhdəsindən bacarıqla gələ biləcəyinə əminik”.




Bölməyə aid digər xəbərlər
{sape_links}{sape_article}