17:38 / 28-03-2024
Əməkdar artist vəfat edib
“Türk ordusu Azərbaycana yalnız monitorinq üçün gəlmir” - Keçmiş nazir
Tarix: 17-11-2020 15:16 | Bölmə: Slayd
“Türk ordusu Azərbaycana yalnız monitorinq üçün gəlmir” - Keçmiş nazir

“Azərbaycana gələcək Türk ordusunun harada dayanması, hansı mövqedə durması vacib deyil. Məncə, bunun önəmi yoxdur. Türk ordusuna adının yazıldığı istənilən yer kifayət edər. Amma aydındır ki, Türk ordusu yalnız monitorinq üçün gəlmir. Çünki Azərbaycanla Türkiyə arasında hərbi müqavilə də var. Monitorinq qrupundan əlavə olaraq Türk əsgərləri Azərbaycana gələcəklər. Onların harada durmağının əhəmiyyəti yoxdur. Azərbaycan dövləti harada istəsə, onlara yer verəcək. Bu, Azərbaycanın daxili işidir. Bunun erməni-rus məsələsinə aidiyyəti yoxdur”.

Bu sözləri Reyting.az-a Azərbaycanın keçmiş Təhsil naziri, sabiq deputat Firdun Cəlilov Türkiyə ordusunun Azərbaycana gəlişindən danışarkən deyib.

Professor bildirib ki, Türk ordusunun Azərbaycanda olmasının həm mənəvi, həm də pərdəarxası əhəmiyyəti var:

“Nəzərə alınmalıdır ki, biz müharibəni udmuşuq. Amma Şuşa şəhərini işğaldan azad etdikdən sonra irəli getmək imkanımız olmadı. Çünki sənəd imzalandı və Ermənistan tərəfi faktiki olaraq məğlubiyyətini etiraf etdi”.


F. Cəlilov

F. Cəlilov qeyd edib ki, indi mübarizənin ikinci mərhələsi - danışıqlar, müzakirələr prosesi başlayır: “Hesab edirəm, bu prosesdə də Türk qardaşlarımızın bizim yanımızda olması vacibdir ki, problemi birlikdə həll edək”.

Azərbaycanla Naxçıvanı birləşdirəcək Mehri dəhlizində Türk ordusunun olması imkanlarını qiymətləndirən türkoloq-alim diqqətə çatdırıb ki, noyabrın 10-da imzalanan sənəddə bu məsələ yoxdur: “Amma unutmayaq ki, sülhməramlıların missiyası 5 illikdir. Yəni müqaviləyə görə, 5 il müddətinə dəhlizlərlə bağlı yollar, dəmir yolu xətləri çəkilməlidir. Təbii ki, hər şey yavaş-yavaş olur. Ümid edirəm ki, 5 ildən sonra rus əsgəri bölgədən gedəcək”.

F. Cəlilov 5 ildən sonra Rusiya sülhməramlılarının ölkəmizdən gedəcəyini mümkün hesab edir: “Əlbəttə, öz xoşları ilə getməyəcəklər. Amma Azərbaycan kənar orduları 1992-ci ildə yola salıb. Eləcədə Ali Baş Komandan bir neçə il əvvəl Qəbələ RLS-də də bu məsələni həll etdi, orada olan rus hərbçiləri də öz vətənlərinə qayıtdılar. Vaxtı çatanda yenə deyəcək ki, gəlib kömək etdiniz, çox sağ olun, indi getmək zamanıdır”.

Reyting.az




Bölməyə aid digər xəbərlər
{sape_links}{sape_article}