Vahid Əhmədov: “Koronavirus hansısa mərkəz tərəfindən idarə olunan prosesdir”
Tarix: 22-07-2021 15:22 | Bölmə: Slayd
Vahid Əhmədov: “Koronavirus hansısa mərkəz tərəfindən idarə olunan prosesdir”

“Hesab edirəm ki, COVİD-19 hələ çox davam edəcək. Bu, hansısa laboratoriya tərəfindən idarə olunan prosesə oxşayır”.

Bunu Reyting.az-a Milli Məclisin deputatı Vahid Əhmədov dünyada pandemiyanın növbəti dalğası haqqında yayılan fikirlərə münasibət bildirərkən deyib.

Vahid Əhmədov buna misal kimi yoluxmaların tendensiyasını göstərib. Deyib ki, ötən ay qardaş Türkiyədə yoluxmalar təxminən 60 minə çatmışdı: “İndi səhv etmirəmsə, gündəlik 6,7 min nəfərə qədər azalıb.

Azərbaycanda əvvəl yoluxma statistikası yüksək idi, sonradan təxminən gündəlik 40-50 nəfərə qədər düşdü. İndi bir neçə gündür ki, yenidən artım müşahidə olunur”.

V. Əhmədovun ehtimalına görə, dünyanı idarə edən qüvvələr razı deyillər ki, insan tələfatı az olsun: “Bu səbəbdən də nəsə düzəldir, ixtira edirlər. Dünyada insan artımı sürətlə gedir və onların tələbatını ödəmək ciddi problemə çevrilib. Acından ölənlər, susuz qalanlar haqqında hər gün materiallar verilir. Afrikadakı vəziyyət ortadadır. Yəni bu məsələlər nəzərə alınır. Sanki bu, iqtisadi baxımdan da bir proqramdır və həyata keçirilir”.

Deputatın qənaətincə, koronavirusla bağlı vəziyyət dünyada bir müddət davam edəcək: “Bununla əlaqədar Azərbaycandakı həkimləri və mütəxəssisləri izləyirəm. Bizdə ciddi karantin rejimi olmasa da, hər bir Azərbaycan vətəndaşı lazım olan tədbirləri görməlidir. Yəni qoruyucu maskadan istifadə etməli, kütləvi yerlərə ehtiyac olmasa baş çəkməməli, bir sözlə, özünü qorumalı, məsafə saxlamalıdır. Həmçinin toy və yas mərasimlərində ehtiyatlı davranmaq vacibdir. Məncə, proses bir müddət gedəcək. Ola bilsin, 1,5, 2 il müddətinə”.

Reyting.az




Bölməyə aid digər xəbərlər
{sape_links}{sape_article}