Pandemiya tədrisə ciddi təsir göstərib - Ekspert
Tarix: 30-07-2021 16:56 | Bölmə: Slayd
Pandemiya tədrisə ciddi təsir göstərib

"14-15 iyulda ali təhsil müəssisələrinin II və III ixtisas qrupları üzrə qəbul imtahanları keçirildi və nəticələri dünən elan olundu. Nəticələri təhlil etsək görərik ki, bu ixtisas qrupları üzrə 700 bal olmadı".

Bunu Reyting.az-a təhsil eksperti Kamran Əsədov deyib. O bildirib ki, II ixtisas qrupundan ən yüksək nəticə 691.2 və 680 bal olub:

"Bu il üçün kifayət qədər yaxşı nəticədir. 2021-ci ildə II və III ixtisas qrupları üzrə qəbul imtahanlarında 37 793 abituriyent iştirak edib. Ötən il isə daha çox abituriyent idi. Bu il III ixtisas qrupunda 19361 nəfər, rus bölməsi üzrə 1622 nəfər sənəd verib. Ötən il daha çox abituriyent var idi. Həmçinin bu il II ixtisas qrupu üzrə 1568 nəfər Azərbaycan, 1620 nəfər isə rus bölməsi üzrə imtahan verib. Bu il II və III ixtisas qruplarında rus bölməsi üzrə sənəd verənlərin sayı artıb. Pandemiya birmənalı şəkildə tədrisə ciddi təsir göstərib".


K. Əsədov

Ekspert qeyd edib ki, bu il II ixtisas qrupu üzrə nəticələr ötən ilkindən yüksəkdir:

"III ixtisas qrupu üzrə müqayisə aparsaq ötən il nəticə daha yüksək idi. Keçən il maksimum və 690-dan yuxarı nəticə var idi, bu il isə yoxdur. Bu il III ixtisas qrupunda 250-500 bal toplayanların sayı ötən illə müqayisədə çoxdur. Bu da onların ixtisas seçimində daha diqqətli olmasını tələb edir.

Bu il III ixtisas qrupu üzrə plan yerləri artıb, bir sıra universitetlərdə yeni ixtisaslar açılıb. Eyni zamanda bu il Bakı Ali Neft Məktəbində II ixtisas qrupu - Biznesin təşkili və idarə edilməsi, III qrupda ADA universitetində Rəqəmsal jurnalistika ixtisası açılıb. II və III qrupu müqayisə etsək II qrup abituriyentləri arasında yüksək bal toplayanlar da artıb".




Bölməyə aid digər xəbərlər
{sape_links}{sape_article}