Ermənistan parlamentində mübahisə: “Türk casusunu parlament rəhbəri seçə bilmərik”
Tarix: 03-08-2021 14:07 | Bölmə: Slayd
Ermənistan parlamentində mübahisə: “Türk casusunu parlament rəhbəri seçə bilmərik”

“Ermənistan parlamentinin sədr müavini vəzifəsinə “Vətəndaş Müqaviləsi” Partiyasının irəli sürdüyü namizəd Ruben Rubinyan ömrünün müəyyən hissəsini Türkiyədə yaşayıb”.

Reyting.az
xəbər verir ki, bu sözləri bu gün Ermənistan parlamentində çıxışı zamanı “Şərəfim var” blokundan fraksiya üzvü Anna Mkrtçyan bəyan edib.

Müxalif deputat deyib ki, Nikol Paşinyanın parlment sədrinin müavini postuna irəli sürdüyü şəxs Türkiyədə yaşaması haqda heç vaxt məlumat verməyib: “Hökumət, “Omeqa” təxəllüslü bir türk casusunun Ermənistan parlamentinin rəhbəri ola biləcəyi bir vəziyyət (Bundan əvvəlki spiker Ararat Mirzoyan nəzərdə tutulur-red.) yaratdı. Bu dəfə eyni səlahiyyətlilər parlamentin sədr müavini postuna başqa bir türk casusunu irəli sürə bilər”.

Ermənistan parlamentinin yeni sədri Alen Simonyan hər hansı bir qiymətləndirmədən çəkinməyi xahiş edib.

“Ermənistan” bloku isə bəyan edib ki, Ruben Rubinyanın parlamentin vitse-spikeri seçilməsi ilə bağlı səsverməyə qatılmayacaq. Bu barədə məlumatı müxalif “Ermənistan” bloku fraksiyasının katibi Artsvik Minasyan bəyan edib. Minasyan bildirib ki, Rubinyan əvvəllər Türkiyədə müvəqqəti yaşayıb, əvvəlki parlamentdə işləyib.

Beləliklə, Ermənistanın radikal parlament müxlifəti Mülki Müqavilə Partiyası tərəfindən namizədliyi irəli sürülən Ruben Rubinyanın namizədliyinə qarşı çıxıb.

Rubinyan isə bəyan edib ki, zamanında “Qrant Dink” dərnəyinin proqramı çərçivəsində bir neçə ay Türkiyədə yaşayıb və araşdırma aparıb. O, bunu heç vaxt gizlətmədiyini bildirib.




Bölməyə aid digər xəbərlər
{sape_links}{sape_article}