23:11 / 18-03-2024
Ukrayna ordusu geri çəkilir
“İran 10 həftədən sonra nüvə silahına malik olacaq” - Nazir
Tarix: 05-08-2021 11:36 | Bölmə: Slayd
“İran 10 həftədən sonra nüvə silahına malik olacaq”

İran 10 həftədən sonra nüvə silahına malik ola bilər. Reyting.az xəbər verir ki, bunu İsrailin müdafiə naziri Benny Qantz bəyan edib.

Müdafiə naziri bəyanatını İsrail Xarici İşlər Nazirliyində - BMT Təhlükəsizlik Şurasına üzv ölkələrin səfirləri ilə görüşündə səsləndirib.

Qantz bildirib ki, Birgə Hərtərəfli Fəaliyyət Planının (JCPOA) hərtərəfli pozulması səbəbindən İran 10 həftə sonra hərbi dərəcəli nüvə materialları istehsal edə biləcək: “İran faktiki JCPOA-da müəyyən edilən bütün qaydaları pozdu və nüvə silahı üçün lazım olan silah dərəcəli materialları almasına cəmi 10 həftə qalıb”.

Müdafiə naziri əlavə edib ki, İran JCPOA-da müəyyən olunan bütün şərtləri pozub və nüvə silahı üçün gerçək materiallar əldə etməsinə çox az qalıb: “İranın bu fəaliyyətinə qarşı ciddi tədbirlər görülməlidir. İndi bu tədbirlərin zamanıdır. Kəlmələr və sözlər yetərli deyil. Diplomatik, iqtisadi və hətta hərbi tədbirlərin zamanı çatıb. Əks təqdirdə İranın hücumları davam edəcək”.

İsrailin İran xalqını düşmən olaraq görmədiyini vurğulayan Qantz deyib ki, İran rejimi bizi təhdid edir və regional silahlanma yarışını atəşləyir.

İsrailin xarici işlər naziri Yair Lapid isə bildirib ki, İsrailin vətəndaşlarına və suverenliyinə yönəlik bir hücum və təhdidlə qarşı-qarşıya qaldıqda müstəqil hərəkət emək haqqına sahibdirlər.

Xatırladaq ki, 2015-ci ildə İran P5+1 qrupu ölkələri - BMT Təhlükəsizlik Şurasının 5 daimi ölkəsi olan ABŞ, Çin, Fransa, Rusiya, İngiltərə və Almaniya ilə nüvələr anlaşması imzalamışdı. Anlaşmanın imzalanmasından 5 il sonra silah sanksiyasının qaldırılması da daxil olmaqla embarqoların yumşaldılması qarşılığında Tehranın nüvə proqramını kiçiltməsi və uran ehtiyatlarının ciddi şəkildə azaldılmasına getməli idi. Ancaq ABŞ 2018-ci ildə İranın öz üzərinə götürdüyü öhdəlikləri pozduğunu əsas gətirərək nüvə anlaşmasından çıxdığını elan etmişdi. Bundan sonra Birləşmiş Ştatların Tehran siyasəti sərtləşmiş, bu ölkəyə qarşı ən sərt sanksiyalara əl atılmışdı.

Hazırda İranla nüvə anlaşması imzalayan ölkələrin diplomatları Vyanada Tehran rəsmiləri ilə danışıqlar aparırlar.

Bir neçə gün əvvəl Oman dənizində İsrail tankerinə edilən hücuma görə, beynəlxalq ictimaiyyət Tehranı ittiham edir. Bu səbəbdən də indi İran dünyanın gündəmində bir nömrəli məsələ sayılır.




Bölməyə aid digər xəbərlər
{sape_links}{sape_article}