Füzuli Beynəlxalq Hava Limanının təhlükəsizliyi Türkiyə hərbçilərinə tapşırılacaq?
Tarix: 19-10-2021 11:34 | Bölmə: Slayd
Füzuli Beynəlxalq Hava Limanının təhlükəsizliyi Türkiyə hərbçilərinə tapşırılacaq?

"8 noyabr 2021-ci ildə Türkiyə prezidenti Rəcəb Tayyib Ərdoğan Azərbaycana, daha dəqiqi, işğaldan azad edilmiş Füzuli şəhərinə səfər edəcək. Bu səfər çərçivəsində ölkə başçısı cənab İlham Əliyev və Ərdoğan yeni tikilmiş Füzuli Baynəlxalq Hava Limanının açılışında iştirak edəcəklər".

Reyting.az
xəbər verir ki, bunu siyasi ekspert Samir Hümbətov deyib. O bildirib ki, bunlar məsələnin informasiya hissəsidir:

"Amma burada bəzi suallar yaranır ki, Türkiyə prezidenti Ərdoğan niyə Azərbaycanda hava limanı açılışında iştirak etmək istəsin? Bu səfərin pərdəarxası detalları nədən ibarətdir? Ərdoğanın bir il ərzində Qarabağa səfəri kimə, yaxud hara mesaj xarakteri daşımaqdadır?

Xatırlatmaqda fayda var ki, son gönlər İran və Azərbaycan arasında gərginlik sürətlə qalxmaqdadır və hətta İran tərəfi sentyabr ayının 20-dən sonra ilk dəfə idi ki, Azərbaycanla sərhəddə - Aslandüzdən başlayaraq İran Culfasına kimi geniş bir ərazidə hərbi təlimlərə başladı. İran tərəfi bu təlimləri Azərbaycana qarşı əzələ nümayişi kimi qiymətləndirdi. Bu hadisə Azərbaycan və İran arasında ciddi gərginliyin yaranmasına səbəb oldu. Prezident İlham Əliyev İranın atdığı bu addıma sərt reaksiya verdi. Türkiyə isə İranın atdığı addıma cavab olaraq Türkiyə-İran sərhəddinə qoşun yığdı və Türkiyə PUA-ları Türkiyə-İran sərhəddində fasiləsiz uçuşlara başladılar".



Ekspert xatırladıb ki, 29 sentyabrda Türkiyə prezidenti Rəcəb Tayyib Ərdoğan Rusiyanın Soçi şəhərinə səfər edib və orada Rusiya prezidenti Vladimir Putinlə görüşüb:

"Bu görüş zamanı tərəflərin müzakirə etdiyi məsələlər sırasında Suriya ilə birgə Qarabağ məsələsinin də olduğu bildirildi. Soçi səfərindən bir gün sonra isə Türkiyə prezidentinin Azərbaycana səfər edəcəyi və Füzuli Beynəlxalq Hava Limanının açılışında iştirak edəcəyi haqqında məlumatlar yayılmağa başladı.

Baş verən prosesləri ümumiləşdirərək belə qənaətə gəlmək olar ki, Türkiyə prezidentinin bir ildə iki dəfə Azərbaycana baş tutacaq səfəri həm region dövlətlərinə, həm də regionda marağı olan digər güc mərkəzlərinə ciddi mesaj xarakteri daşıyır. Əslində Türkiyə bununla qarşı tərəflərə mesaj verir ki, Azərbaycan regionda tək deyil və biz hər zaman Azərbaycanın yanındayıq”.

S. Hümbətov qeyd edib ki, son günlər Rusiya "sülhməramlıları"nın müvəqqəti nəzarət etdiyi Azərbaycanın Qarabağ bölgəsində erməni terrorçuları tərəfindən yenidən gərginliyn artırılması, bir hərbi qulluqçumuzun şəhid edilməsi isə Ərdoğanın Azərbaycana səfərindən narahat olan qüvvələr tərəfindən təşkil edilmiş təxribat kimi də qiymətləndirilə bilər.

Siyasi ekpert hesab edir ki, Ərdoğanın Füzuli Beynəlxalq Hava Limanının açılışından sonra hava limanının təhlükəsizliyinin təmin edilməsi Türkiyə hərbçilərinə də tapşırıla bilər. Bu isə hava limanına qarşı hər hansı təxribatın olma riskini tamamilə aşağı salacaq.




Bölməyə aid digər xəbərlər
{sape_links}{sape_article}