17:38 / 28-03-2024
Əməkdar artist vəfat edib
Azərbaycan Ordusu hücuma keçsə... - Hərbi ekspert
Tarix: 03-08-2022 13:14 | Bölmə: Slayd
Azərbaycan Ordusu hücuma keçsə...

"Son 30 ildə atəşkəs daima pozulub və tərəflər bir-birini ittiham edib. Aydındır ki, kimin birinci atəş açdığını, bunu niyə etdiyini dəqiqləşdirmək mümkün deyil. Amma yaranan vəziyyətə görə, Azərbaycan Ordusu istənilən vaxt hücuma keçərək qalan torpaqları azad etməyə tam hazırdır".

Bunu Reyting.az-a hərbi ekspert Azad İsazadə son günlər Qarabağda gərginləşən vəziyyət və erməni təxribatlarından danışarkən deyib.

A. İsazadə qeyd edib ki, hazırda Ermənistan ordusunun müharibə aparmaq gücü və potensialı yoxdur: "Amma məsələ sülh yolu ilə həll edilsə, çox yaxşı olar. Yox, bu mümkün olmasa, məsələni müharibə ilə həll edəcəyik.

Ermənistanda revanşist qüvvələr ordu da çoxdur və onlar çalışırlar ki, sülh müqaviləsi imzalanmasın. İstisna etmirəm ki, təxribatları məhz bu qüvvələr edir və çalışırlar ki, danışıqlar gərgin atmosferdə keçsin. Çünki atışma olur, ordular hazır vəziyyətə gətirilir, açıqlamalar verilir və s. Beləcə, proses ləngiyir. Günlərin birində görsək ki, danışıqlar dalana dirənib və nəticə yoxdur, əvəzində təxribatlar davam edir, bu zaman hansısa təxribatdan sonra Azərbaycan Ordusu hücuma keçə bilər".

A. İsazadə əlavə edib ki, danışıqlar ləng getsə də, nəticəyə ümid etmək lazımdır:

"Danışıqlar ləng də olsa, müharibədən yaxşıdır. Aydındır ki, Azərbaycan Ordusu hücuma keçsə, real nəticələrə nail olacaq, amma müəyyən itki də qaçılmazdır. Biz bunu istəmirik, ona görə də hələlik danışıqlar və diplomatiyaya ümid bəsləyirik. Bu olmasa, deməli, çıxış yolumuz qalmaz. İndi hansısa ümidlər olduğu üçün danışıqlar aparırıq".

Reyting.az




Bölməyə aid digər xəbərlər
{sape_links}{sape_article}