14:48 / 08-08-2022
Daşkəsəndə yenə sel olub
12:45 / 08-08-2022
Sabah yağış yağacaq
Putinin “Ölüm gözəli” məhv edilib, Rusiya İranın “Xəyyam”ına güvənir
Tarix: 05-08-2022 15:12 | Bölmə: Siyasət
Putinin “Ölüm gözəli” məhv edilib, Rusiya İranın “Xəyyam”ına güvənir

Ukrayna ilk dəfə olaraq ərazisinə hücumun gedişatını fəal şəkildə müəyyənləşdirməyə başlayıb. Vaşinqtonda yerləşən Müharibə Araşdırmaları İnstitutu (ISW) bildirir ki, Ukrayna strateji təşəbbüsü öz üzərinə götürüb və Rusiya hərbçilərini cəbhə xəttlərini dəyişməyə məcbur edir. Bir neçə həftə əvvəl Donetskdə Slovyansk və Severski mühasirəyə alan Rusiya ordusu indi Ukraynanın şərqindəki qoşunlarını cənuba - Xersona və Zaporojya göndərir.

Reyting.az
xəbər verir ki, ruslar indi Xersonda hücuma hazırlaşırlar.

Müharibə Araşdırmaları İnstitutunun məlumatına görə, Rusiya prezidenti Vladimir Putin 2014-cü ildə ilhaq etdiyi Krıma çoxlu sayda döyüş təyyarəsi və artilleriya göndərib.

“Washington Post” qəzeti isə Rusiyanın Suriyadakı müttəfiqi, on minlərlə əsgəri ölən və ya yaralanan İranın peykindən istifadə edərək Ukraynadakı durumu öz xeyrinə dəyişmək istəyir.

Qərb kəşfiyyat orqanları bildirir ki, avqustun 9-da “Baykonur”dan kosmosa göndəriləcək İranın “Xəyyam” peykindən Ukraynada əks əməliyyatlar üçün istifadə ediləcək. Qeyd olunur ki, çox yüksək keyfiyyətli kameraya malik olan “Xəyyam” konkret hədəfə fokuslaşa bilir.


Olqa Kaçura

Fevralın 24-dən bu yana onlarla rus polkovniki və generalını zərərsizləşdirən ukraynalılar bir qadın komandiri də sıradan çıxarıblar. Ukraynalıları öldürməkdən həzz alan, xüsusilə mülki insanları qətlə yetirən polkovnik Olqa Kaçura raketlə vurulub.

"Korsa" kimi tanınan 52 yaşlı qadın komandir avtomobili ilə Horlivkaya səyahət edərkən ona doğru raket gəldiyindən xəbərsiz olub. Avtomobili partladılan Korsanın ölümü həm Kremlə, həm də Putinin kağız üzərində olan “Donetsk Xalq Respublikası”na şok yaşadıb.

Rusiya mətbuatı Olqa Kaçuraya ölümündən sonra “Rusiya Qəhrəmanı” və “Donetsk Xalq Respublikasının Qəhrəmanı” titullarının verildiyini yazır.

“Ölüm gözəli” kimi tanınan Kaçura 2014-cü ildə Moskvanın dəstəklədiyi rusiyayönlü separatçıların üsyanından əvvəl Horlivka Polis İdarəsində mühafizəçi olub. O, daha sonra Donetskdə populyarlaşıb. Ukraynaya hücumdan iki gün əvvəl isə Putin tərəfindən tanınan “Donetsk Xalq Respublikası” Olqa Kaçura polkovnik rütbəsi verib.

Onu da qeyd edək ki, O. Kaçura Kremlin media kanallarında ukraynalıları öldürməkdən həzz aldığını bildirirdi.

İki uşaq anası O. Kaçura bu günə qədər Ukrayna tərəfindən öldürülən 97-ci yüksək çinli hərbçidən biridir.

Son bir həftədə Rusiya ordusu Ukraynada daha iki zabitini itirib. Polkovnik-leytenant İvan Pozdeyev və polkovnik-leytenant Denis Sorokinin həlak olduğu təsdiqlənib.




Bölməyə aid digər xəbərlər
{sape_links}{sape_article}