00:11 / 14-06-2024
Bu gün "Son zəng"dir
İranın üç prezidenti helikopter qəzasına düşsə də, ikisi qurtula bilib - Foto
Tarix: 20-05-2024 18:18 | Bölmə: Cəmiyyət
İranın üç prezidenti helikopter qəzasına düşsə də, ikisi qurtula bilib

İran prezidenti İbrahim Rəisi, xarici işlər naziri Hüseyn Abdullahian və digər rəsmi şəxsləri daşıyan helikopter mayın 19-u bazar günü qəzaya uğrayıb, bir gün sonra isə İran dövlət televiziyası Rəisi və onunla olan rəsmi şəxslərin qəza nəticəsində öldüyünü açıqlayıb.

Reyting.az
xəbər verir ki, İran mediası prezidentin həlak olduğu “Type 412” model helikopterin xüsusiyyətlərini açıqlayıb.

Tam dolu çənlə 900 kilometr yol qət edən “Type 412” 5,3 ton yük daşıyır. 1979-cu ildə istehsal olunan helikopter 13 nəfəri də daşıya bilir.

İranın keçmiş xarici işlər naziri Məhəmməd Cavad Zərif helikopterin qəzaya uğramasına görə ABŞ-ı ittiham edərək deyib: “ABŞ İrana təyyarə və ehtiyat hissələrinin satışının qarşısını almaqla böyük helikopter qəzası faciəsində məsuliyyət daşıyır”.

Prezident İbrahim Rəisi və xarici işlər naziri Hüseyn Abdullahianın dünən helikopter qəzasında həlak olması İranda əvvəlki illərdə baş verən digər qəzaları da gündəmə gətirib.



İranın keçmiş prezidentlərindən olan Mahmud Əhmədinejadı daşıyan helikopter 2013-cü ildə məcburi eniş edib. Qəza o vaxtkı prezident Əhmədinejadın ölkənin şimalındakı dağlıq bölgədə magistral tunelin açılış mərasimində iştirak etmək üçün getdiyi helikopterdə baş verib. Əhmədinejad ölkənin şimalındakı dağlıq bölgəyə məcburi enişdən yara almadan xilas olub və açılış mərasiminə qatılıb.

Daha bir helikopter qəzası İran inqilabından bir il sonra, 1980-ci ildə qeydə alınıb. İran İslam Respublikasının ilk prezidenti Bəni Sədr İraq sərhədində helikopter qəzasından sağ çıxa bilib. İnqilabın lideri Xomeyni ilə münaqişəsi olan Bəni Sədr 1981-ci ildə vəzifəsindən uzaqlaşdırılıb. 1979-cu ildə inqilab zamanı Xomeyni ilə birlikdə Parisdən Tehrana qayıdanlar arasında olan Bəni Sədr yenidən Parisə qayıtsa da, bu dəfə sürgün olunub. O, 40 illik sürgündən sonra 2021-ci ildə 88 yaşında Parisdə vəfat edib.

V. QULİYEV




Bölməyə aid digər xəbərlər
12-06-2024, 12:49 Sabah yağış yağacaq
11-06-2024, 13:09 Sabah yağış yağacaq

{sape_links}{sape_article}