18:33 / 19-09-2019
Zakir Qaralov təltif olundu
Məşhur idmançının sevgi hekayəsi - Nurməhəmmədovun həyat yoldaşı kimdir? - Fotolar
Tarix: 11-09-2019 23:58 | Bölmə: Cəmiyyət
Məşhur idmançının sevgi hekayəsi - Nurməhəmmədovun həyat yoldaşı kimdir?

Həbib Nurməhəmmədovun arvadı Patimat Dağıstan respublikasının Sumadin rayonunun Sildi kəndindən olan ən gözəl və mülayim təbiətli bir qızdır. Onların sevgi hekayəsi hələ uşaq yaşlarında məktəb partası arxasında başlayıb. Onlar uzun müddət bir-birindən ayrı düşüblər və yalnız avar idmançı yetkin kişiyə çevrildikdən sonra bu sevgi möhkəm ailəyə çevrilib.

Patimat hələ uşaqlıqdan qara saçlı, mənalı və dərin qara gözlü gözəl bir qız olub. O, Həbiblə eyni kənddə doğulub. Onların böyüdüyü dağ kəndinin evləri sıldırım qayaların üzərində, bir-birinə bitişikdir. Kənddə cəmi 200 nəfər yaşayır, ona görə də hamı bir-birini tanıyır. Həbibin uşaqlığı zallarda və təbiət qoynunda cəsur hərəkətlər etməklə keçib. O, kənddə ən döyüşkən və enerjili uşaq idi. Macəralara və cəsur hərəkətlərə daha çox meyilli olan Həbib o zaman arabir Patimatı da görüb.

Sonradan Həbib kənddəki yeganə məktəbə gedəndə Patimat ilə yaxından tanış olub və qaraqaş-qaragöz gözələ səmimi uşaq məhəbbəti ilə vurulub. Ənənələr qıza öz sevgisini büruzə verməyi qadağan etsə də, cəsur və qətiyyətli oğlanın ona meyli Patimatın da xoşuna gəlib. Ancaq tale onları ayırıb, çünki Nurməhəmmədovlar ailəsi Qızılturd rayonundakı qat-qat böyük kəndə, daha sonra isə Mahaçqalaya köçüb.

Məşhur idmançının sevgi hekayəsi - Nurməhəmmədovun həyat yoldaşı kimdir?

Gənc Həbibin sevdiyi qızla görüşməyə vaxtı və imkanı tamamilə az olub, çünki atasının ciddi rəhbərliyi altında səhərdən axşamacan oxuyur və məşq edirdi. Hətta Həbib bir qədər artıq sərbəstlik istəyəndə də, Əbdülmanaf ona məşq ritmindən çıxmağa icazə vermirdi. O, demək olar ki, zalda yaşayırdı və qızlarla görüşməyə vaxtı yox idi. Həm də qara gözlü qız Məhəmmədin ürəyinin dərinliklərinə girmişdi.

Həbib yavaş-yavaş da olsa, uğur qazandı. Yerli liqalardan UFC-yə keçdi. Oğlan Amerikada çox az pulla çətinliklə yaşayırdı. 2013-cü ilin ortalarında böyük potensiala malik döyüşçü kimi şöhrət qazandı və gəliri bir qədər artdı. Elə bu zaman da çoxdankı xəyalını xatırladı. Növbəti döyüşdən sonra Dağıstana qayıdan Həbib atasını Patimatın valideynlərinin yanına elçiliyə göndərdi. Qızın valideynləri, əlbəttə, bu izdivaca dərhal razılıq verdilər. Onları kürəkəni respublikanı UFC-də ilk dəfə təmsil edən məşhur döyüşçü özü olacaqdı.

Məşhur idmançının sevgi hekayəsi - Nurməhəmmədovun həyat yoldaşı kimdir?
Sildi kəndi

O zaman Həbib Nurməhəmmədov çox varlı olmasa da, toy adət-ənənəyə uyğun olaraq təntənəli keçdi. Arzu edən hər kəs dəvət olunmuş və 1200 qonaq gəlmişdi. Məşhur idmançının böyük önəm verdiyi müsəlman qaydasına uyğun olaraq gəlin tam örtülü geyinmiş, qalın ağ örtük altında gizlədilmişdi, onu yalnız əri və yaxın qohumlar görə bilərdilər.

Patimatın sirri də elə buradan başladı: İnternet şəbəkəsində Həbib Nurməhəmmədovun arvadının fotosu yox idi, daha doğrusu vardı, amma üzü örtülü gəlinlik paltarında. Bu situasiyadan ən ədəbsiz və çirkin formada irland mənşəli döyüşçü Konor Makqreqor istifadə etdi. Sosial şəbəkələrdə növbəti “atışma” zamanı o, Patimatı “məhrəba“ adlandırdı, sonra isə daha da irəli gedərək, “məhrəba altındakı keçi“ dedi. Əslində isə, örtüyün altındakı həlim xasiyyətli Dağıstan gözəli idi.

Məşhur idmançının sevgi hekayəsi - Nurməhəmmədovun həyat yoldaşı kimdir?

Həbib daim Amerikaya gedib-gəlsə də, Patimat əsasən evdə oturur. İdmançı hesab edir ki, həyat yoldaşının yanında olması onu məşq prosesindən güclü şəkildə yayındıra bilər. Odur ki, Həbib onu döyüşlərə aparmır, gözəl xanım evdə qalaraq, isti ocağı qoruyur, rahatlıq yaradır və ərinin səfərdən qayıtmasına hazırlıq görür.

Məşhur idmançının sevgi hekayəsi - Nurməhəmmədovun həyat yoldaşı kimdir?

– Məncə, ailə mane olur. Məsələn, Kormye ailəsini özüylə götürür. Hətta çəki atdığı son həftədə də ailəsi daim yanında olur. Bu ona kömək edir, mənə isə mane olur. Hesab edirəm ki, ailəm bu məsələdən uzaq olmalıdır, – son müsahibələrindən birində Həbib deyir.

Onların iki övladı var: 2015-ci ildə doğulmuş Fatimə Nurməhəmmədova və 2017-ci ildə dünyaya gəlmiş Məhəmməd.

Dastin Porye ilə döyüş ərəfəsində arvadı Həbibə daha bir hədiyyə edib - Həbibin ikinci oğlu dünyaya gələcək. Əfsanəvi dağıstanlı bu döyüşdəki qələbəsini məhz ona hədiyyə edib.

Məşhur idmançının sevgi hekayəsi - Nurməhəmmədovun həyat yoldaşı kimdir?

Ailənin üçüncü övladı da ilk əvvəlkilər kimi, doğma Dağıstanda doğulacaq. Nurməhəmmədovların babalarından qalma ənənəyə uyğun olaraq körpənin dünyaya gəlməsinin şərəfinə böyük köhnə topdan yaylım atəşi açılacaq. Uşaq böyüyən kimi, onun da təlim-tərbiyəsi ilə böyük qardaşı Məhəmməd kimi, babası Əbdülmanaf məşğul olacaq, ona əlbəyaxa döyüşü, at çapmağı öyrədəcək, dağlardakı idman düşərgələrində onun döyüş ruhunu möhkəmləndirəcək. Körpənin üzündən xoşbəxt təbəssümün əskik olmamasının qayğısına isə anası Patimat Nurməhəmmədova qalacaq.

Reyting.az
скачать dle 10.5фильмы бесплатно




Bölməyə aid digər xəbərlər
{sape_links}{sape_article}