Qusarda evlərdən oğurluq edən keçmiş məhkum saxlanılıb
Tarix: 07-10-2019 16:51 | Bölmə: Cəmiyyət
Qusarda evlərdən oğurluq edən keçmiş məhkum saxlanılıb

Qusar rayonunda 4 evdən 25 000 manata yaxın qızıl-zinət əşyaları oğurlanıb.

Daxili İşlər Nazirliyinin Mətbuat xidmətinin Quba regional qrupundan Reyting.az- verilən məlumata görə, Qusar Rayon Polis Şöbəsi (RPŞ) əməkdaşlarının keçirdikləri əməliyyat-axtarış tədbirləri nəticəsində cari ilin avqust-sentyabr aylarında rayon ərazisində 4 evdən ümumi dəyəri 25 000 manata yaxın olan qızıl-zinət əşyaları oğurlamaqda şübhəli bilinən rayon sakini, əvvəllər məhkum olunmuş Şahin Efəndiyev saxlanılıb.

O, törətdiyi cinayət əməllərini etiraf edib.

Mənzillərdən oğurladığı qızıl-zinət əşyalarını Bakı şəhərində və Quba rayonu ərazisində dəyərindən ucuz qiymətə satan Ş.Efəndiyev əldə etdiyi pulları xərclədiyini bildirib.

Faktlarla bağlı Qusar RPŞ-nin İstintaq bölməsində cinayət işi başlanılıb. Araşdırma aparılır.




Bölməyə aid digər xəbərlər
{sape_links}{sape_article}