Elşən Qafarov: “RTŞ müdirlərinin məktəb direktorları arasından seçilməsi müsbət addımdır”
Tarix: 15-10-2019 14:02 | Bölmə: Cəmiyyət
Elşən Qafarov: “RTŞ müdirlərinin məktəb direktorları arasından seçilməsi müsbət addımdır”

“Son illərdə Təhsil Nazirliyində rayon və ya şəhər təhsil şöbələrinə müdir təyinatlarında çox müsbət bir yanaşma yaranıb”.

Bunu Reyting.az-a açıqlamasında təhsil üzrə mütəxəssis Elşən Qafarov deyib.

Onun sözlərinə görə, artıq bir müəllimin karyerasının ən yüksək pilləsi məktəb direktoru deyil, idarəetmə iyearxiyası üzrə yuxarı vəzifələrə də təyin edilməsinə şərait yaradılır. Belə ki, rayon və şəhər təhsil şöbəsinin (Bir-iki rayon istisna olmaqla) müdirləri artıq aparıcı məktəb direktorları arasından seçilir.

E. Qafarov diqqətə çatdırıb ki, Azərbaycan Respublikası Prezidentinin 24 oktyabr 2013-cü il tarixli Sərəncamı ilə təsdiq olunmuş Təhsilin İnkişafı üzrə Dövlət Startegiyasının 2-ci istiqaməti üzrə (Təhsilalanların fərdi xüsusiyyətlərini nəzərə alan innovativ təlim metodları və texnologiyaları vasitəsilə təhsilin məzmununun səmərəli mənimsənilməsini təmin edən yüksək nüfuzlu təhsilverənin formalaşdırılması) nəzərdə tutulmuş hədəf və tədbirlərdə göstərildiyi kimi, müəllimin karyera inkişafı və fəaliyyətinin stimullaşdırılması üzrə yeni sistemin yaradılması ( 2.3.2 ) ilə bağlı görülən işlər göz qabağındadır:

“Lakin vəzifə funksiyalarını yerinə yetirən regionlarda fəaliyyət göstərən məktəb direktorlarının uzun müddət yerli icra hakimiyyətləri tərəfindən müxtəlif neqativ əməllərə təhrik edildiyi də hamıya məlumdur”. Bu səbəbdən də təhsil mütəxəssisi təklif edir ki, yeni təyin olunan R(Ş)TŞ müdirlərinin (əvvəlki məktəb direktoru) yerli icra hakimiyyəti orqanları tərəfindən daha bu kimi “əməllərə” cəlb edilməməsi üçün, təyinatı qərara alınmış həmin məktəb direktorları 4-6 ay müddətində Təhsil Nazirliyinə işə dəvət olunsunlar. Bununla təyinat alacaq həmin direktorların (yeni R(Ş)TŞ müdirlərinin) yerli icra hakimiyyəti orqanlarından asılılığının, əvvəlki kimi müxtəlif neqativ əməllərlə bağlı tapşırıqların müqavimətsiz yerinə yetirilməsinin qarşısı alınar: “Yəni yeni təyin olunan R(Ş)TŞ müdirləri nazirliyin nümayəndəsi kimi rayonda fəaliyyətə başlamış olacaqlar. Belə olduqda onlar fəaliyyətlərini maksimim şəffaf və nazirliyin tələblərinə uyğun qurmağa çalışacaqlar. Bildiyim qədər Rabitə və Yüksək Texnologiyalar Nazirliyində belə bir təcrübə var”.

Təhsil mütəxəssisi qeyd edib ki, Azərbaycan Respublikası Prezidentinin 6 iyun 2012-ci il tarixli 648 №-li Sərəncamı ilə təsdiq olunmuş “Yerli icra hakimiyyətləri haqqında Əsasnamə”yə Əlavənin 1-ci bəndinə yəni, yerli təhsil şöbələrinin rəhbərlərinin də Azərbaycan Respublikası Maliyyə Nazirliyinin, Kənd Təsərrüfatı Nazirliyinin, Ekologiya və Təbii Sərvətlər Nazirliyinin, Əmək və Əhalinin Sosial Müdafiəsi Nazirliyinin, Nəqliyyat, Rabitə və Yüksək Texnologiyalar Nazirliyinin və Dövlət Statistika Komitəsinin yerli bölmə rəhbərlərinin təyinatında olduğu kimi, yerli icra hakimiyyətinin başçısı ilə razılaşdırılmaqla mərkəzi icra orqanı olan Təhsil Nazirliyi tərəfindən vəzifəyə təyin və vəzifədən azad edilməsi ilə bağlı düzəliş üçün təkliflər hazırlayaraq cənab Prezidentə təqdim etmək olar.

Müsahibimiz sonda Tovuz rayonunun Aşağı Quşçu kəndindəki 1 saylı tam orta məktəbin sabiq direktoru Elmira Mürşüdlünü Tovuz Rayon Təhsil Şöbəsinə yeni təyinatı ilə bağlı təbrik edib.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}