Ermənistanla münasibətlərin normallaşdırılması prosesi təkcə siyasi dialoqa deyil, həm də iqtisadi əməkdaşlığın inkişafına müsbət təsir göstərə bilər.

Reyting.az xəbər verir ki, bunu Türkiyənin enerji və təbii sərvətlər naziri Alparslan Bayraktar deyib.

Onun sözlərinə görə, Ankara normallaşmanı xüsusilə iqtisadi əlaqələrin genişləndirilməsi baxımından dəstəkləyir.

Nazir əlavə edib ki, Ermənistan potensial olaraq Türkiyə ilə Azərbaycan arasında enerji əməkdaşlığının iştirakçısı ola bilər.

Bayraktar vurğulayıb ki, münasibətlərin normallaşdırılması həm də iqtisadi əlaqələrin sadələşdirilməsini və qarşılıqlı fəaliyyət üçün yeni imkanlar yaratmağı nəzərdə tutur.

"Əslində, normallaşma həm də iqtisadi münasibətlərin sadələşdirilməsini nəzərdə tutur. Biz enerji sektorunda əməkdaşlığı inkişaf etdirə və bu istiqamətdə mövcud imkanlardan istifadə edə bilərik. Ümid edirəm ki, bu proses bütün tərəflərin xeyrinə davam edəcək", - deyə türkiyəli nazir əlavə edib.

V. QULİYEV