Türkiyə XİN: "Azərbaycanlı qardaşlarımızın məruz qaldıqları qətliamın acısını dərindən bölüşürük"
Tarix: 26-02-2020 16:09 | Bölmə: Gündəm
Türkiyə XİN: "Azərbaycanlı qardaşlarımızın məruz qaldıqları qətliamın acısını dərindən bölüşürük"

Türkiyənin Xarici İşlər Nazirliyi Xocalı faciəsinin 28-ci ildönümü ilə bağlı bəyanat yayıb.

Reyting.az
-ın məlumatına görə, XİN bildirib ki, “Ermənistan Respublikasının birləşmələri tərəfindən 1992-ci ilin 26 fevral tarixində Azərbaycanın Dağlıq Qarabağ bölgəsində Xocalı şəhərinə edilən hücumda 106-sı qadın, 63-ü uşaq və 70-i qoca olmaqla ümumilikdə 613 günahsız Azərbaycan vətəndaşı vəhşicəsinə qətlə yetirilib və yüzlərlə insan yaralanıb:

"Bundan başqa, 1 000-dən artıq insan Ermənistan silahlı birləşmələri tərəfindən əsir götürülüb. İtkin düşənlərin aqibəti isə bu günədək məlum deyil. Hazırda Azərbaycan torpaqlarının işğalı nəticəsində bir milyondan artıq azərbaycanlı evlərini tərk etmək məcburiyyətində qalaraq öz ölkələrində köçkün olaraq yaşayırlar: "Hələ də Azərbaycan torpaqlarının 20%-i işğal altındadır. Xocalı soyqırımını və Azərbaycan torpaqlarının illərdir davam edən işğalını qəti şəkildə pisləyirik. Azərbaycanlı qardaşlarımızın 28 il öncə Xocalıda məruz qaldıqları qətliamın acısını dərindən bölüşürük. Bu faciədə həyatını itirənlərə Allahdan rəhmət diləyir, Azərbaycan xalqına başsağlığı veririk”.скачать dle 10.5фильмы бесплатно




Bölməyə aid digər xəbərlər
{sape_links}{sape_article}