Avropa Liqasının qrup mərhələsində IV turun oyunları çərçivəsində Azərbaycan çempionu "Qarabağ” Yunanıstanda növbəti oyununa çıxıb. Oyun Saloniki şəhərinin "Tumba" stadionunda keçirilib.

İki həftə əvvəl Bakıda Yunanıstanın PAOK komandasını 2:0 hesabı ilə məğlub edən "Qarabağ” bu dəfə də meydana qələbə üçün çıxmışdı. Bütün oyun ərzində üstünlüyünü qoruyan komandamız oyunun 69-cu dəqiqəsində istəyinə çatıb. Miçel Madera vurduğu qolla komandamızı hesabda önə çıxarıb.

Sonrakı dəqiqələrdə də bir neçə dəfə fərqlənməyə yaxın olan Qurban Qurbanovun komandası istəyini qola çevirə bilməyib. Beləliklə, "Qarabağ” səfərdən 3 xalla dönərək aktivindəki xalları 7-yə çatdırib. Bununla da "Qarabağ” turnir cədvəlindəki mövqeyini bir qədər də gücləndirərək ikinci pilləyə yüksəlib.