2025-ci ilin avtomobili... - Yeni rəqabət başlayır
Tarix: 19-06-2024 15:02 | Bölmə: İqtisadiyyat
2025-ci ilin avtomobili... - Yeni rəqabət başlayır

2025-ci ilin yapon əfsanəsi ola biləcək yeni model "Suzuki Jimny" avtomobilinin ilk fotoları yayılıb.

Reyting.az
-ın məlumatına görə, yeni və müasir "Suzuki Jimny" avtomobili kompakt ölçülərini və "vintage" adlanan profilini qorumaq şərti ilə daha güclü və daha yüksək keyfiyyətli "SUV" maşını olacaq.

Yapon markası olan "Suzuki Jimny" konseptinin ön tərəfində yeni, daha geniş radiator barmaqlığı ilə tamamilə yenidən işlənmiş bamper, eləcə də müasir görünüş üçün "LED" tipli işıqlı fənərlər var. Yan tərəfdəki aşılanmış, hər hansı bir situasiyaya hazırlıqlı təkərlərin tağları isə rahat yollar olmayan yerlərdə gedən zaman təkərlərin zədələnməsinin qarşısını almaq üçündür.

Salona asan giriş və çıxış üçün yan pilləkənlər əlavə edilib. Onların dizaynı avtomobilin döngə qabiliyyətinə belə qətiyyən xələl gətirmir. Bununla belə, avtomobildə ən çox diqqət çəkən xüsusiyyət, avtomobili açıq "SUV"-a çevirməklə hissə-hissə tam çıxarıla bilən sərt tavandır.

"AutomagzPro" bu konseptin interyerini göstərməyib, ona görə də tamaşaçılar və "Suzuki Jimny" müştəriləri yalnız maşının necə görünə biləcəyini təxminən belə təsəvvür edə bilərlər.

Yeni modeli avtomobilin mühərriklərinə gəldikdə, hipotetik "Jimny 2025" çox güman ki, 102 at gücü hasil edən, həmçinin də sadə, 1,5 litrlik benzin aqreqatı, eləcə də beşpilləli mexaniki sürət qutusu və ya fırlanma anı çeviricisi olan dördpilləli müasir, yeni avtomatla təchiz ediləcək.

"Yolsuzluq avtomobili" adı verilən, çox güclü və müasir maşın 2025-ci ilin ən yaxşı avtomobilləri sırasında olmaq üçün rəqabətə qoşulmağa qərarlıdır.

"Suzuki Jimny"-nin yolsuzluq keyfiyyətlərini tam qorumaqla çərçivə şassisinə, bütöv ötürücüyə, aşağı diopazonlu ötürücülərə, həmçinin sərt oxlar və digər funksiyalara malik olacağı deyilir.

Oqtay QORÇU




Bölməyə aid digər xəbərlər
{sape_links}{sape_article}