Dənizdə yük daşımalarının həcmi artıb - Hesabat
Tarix: 19-01-2020 10:52 | Bölmə: İqtisadiyyat
Dənizdə yük daşımalarının həcmi artıb

2019-cu ildə dəniz yük daşımalarının həcmi 1,55 milyon ton təşkil edib ki, bu da əvvəlki ilin eyni dövrü ilə müqayisədə 1,7 dəfə çoxdur.

Azərbaycan Dövlət Gömrük Komitəsinin hesabatında bildirilir ki, dəniz yolu ilə daşınan yüklərin ümumi həcmi 948,2 milyon dollar təşkil edib ki, bu da 2018-ci ilin eyni göstəricisindən 22,2 faiz artıqdır.

İxracat daşınmasının həcmi 336,2 min tona yaxın göstərici təşkil edib - bu, 2018-ci ildəkindən 1,4 dəfə çoxdur. İxrac olunan malların ümumi göstəricisi 155.52 milyon dollar (artım 26.6 faiz) təşkil edib.

Hesabat dövründə dəniz nəqliyyatı ilə idxal olunan yüklərin həcmi 1,21 milyon ton təşkil edib ki, bu da 2018-ci ilin eyni göstəricisindən 1,7 dəfə çoxdur. İdxal olunan malların ümumi göstəricisi isə 708,3 milyon dollar (artım 17,6 faiz) olub.

Ümumilikdə hesabat dövründə Azərbaycanın ticarət dövriyyəsi 33,3 milyard dollar, xüsusilə ixrac - 19,64 milyard dollar, idxal - 13.667 milyard dollar təşkil edib.

Reyting.az




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}