Dünya ölkələri 2020-ci ildə silahlanmaya 1,83 trilyon dollar xərcləyib
Tarix: 26-02-2021 17:16 | Bölmə: İqtisadiyyat
Dünya ölkələri 2020-ci ildə silahlanmaya 1,83 trilyon dollar xərcləyib

2020-ci ildə koronavirus pandemiyasının səbəb olduğu iqtisadi böhrana baxmayaraq, dünyada müdafiə məsrəfləri 3,9 faiz artaraq 1,83 trilyon ABŞ dolları təşkil edib.

Bu barədə Londonda yerləşən Beynəlxalq Strateji Araşdırmalar İnstitutu (İİSS) adlı beyin mərkəzinin hesabatında bildirilir.

Həmin məbləğin 40 faizi, yəni 738 milyard dolları ABŞ-ın payına düşür.

Bu artımın üçdə ikisi iki ölkənin payına düşür. Belə ki, ABŞ-da müdafiə məsrəfləri 6,3 faiz, Çində isə 2019-cu ildəki 5,9 faizə qarşı hesabat ilində 5,2 faiz artıb. Həmçinin Çin hərbi donanmasına yönələn məsrəfləri də dünyada, xüsusilə Asiyada müdafiə məsrəflərinin artmasına təsir göstərib. Avropada isə artım 2 faiz təşkil edib.

Qarşıdakı dövrdə ABŞ müdafiə büdcəsinin sabitləşməsi, Asiya – Pasifik regionu ölkələrində isə artımın səngiməsi hətta Avropada artımın davam edəcəyi təqdirdə belə 2021-ci ilin yekununda dünyada müdafiə məsrəflərinin artımı zəifləyə bilər.

Qeyd edək ki, 2019-cu ildə dünyada müdafiə məsrəfləri rekord hədd olan 4 faizlik artım göstərib/Report.




Bölməyə aid digər xəbərlər
bütün xəbərlər
{sape_links}{sape_article}