Azərbaycan Mərkəzi Bankının (AMB) hüquqi statusun dəyişməsi ilə əlaqədar onun İdarə Heyəti (İH) yenidən formalaşdırılmayacaq. Reyting.az APA-ya istinadən xəbər verir ki, bu barədə AMB-dən bildirilib: "İHüzvlərinin və AMB sədrinin vəzifəyə təyin olunması qaydası ölkəKonstitusiyası və Mərkəzi Bank haqqında qanunla tənzimlənir. Həmin məsələlərlə bağlı qanunda hər hansı dəyişiklik edilməyib”.

AMB-dən o da bildirilib ki, hüquqi statusun dəyişdirilməsi ilə əlaqədar işçilərlə əmək müqavilələrinə yenidən baxılmayacaq: "AMB-nin statusunun dəyişdirilməsi ümumilikdə bank işçiləri ilə əmək müqavilələrinin dəyişdirilməsini tələb etmir".