Professor prezident İlham Əliyevi təbrik edib
Tarix: 05-12-2021 19:28 | Bölmə: Xəbər lenti
Professor prezident İlham Əliyevi təbrik edib
Qüdrət İsaqov

Dekabrın 5-i Ümumdünya Torpaq Günüdür. Bu gün 2002-ci ildə Torpaqşünaslıq Elminin Beynəlxalq İttifaqı tərəfindən yaradılıb. Dekabrın 5-də xüsusi bəyanat qəbul olunub. Bu günün mənası dünya birliyinin diqqətini torpaq ehtiyatlarının torpaqların ekosistemdə rolunu qiymətləndirməyə yönəlib.

O zaman Beynəlxalq Alimlər İttifaqı həm adi vətəndaşların, həm də dünya ölkələri hökumətlərinin diqqətini torpaq ehtiyatlarının insanların və dövlətlərin həyatında rolunu daha dəqiq qiymətləndirmək, torpaq ehtiyatlarının atmosfer və su qədər planetimizin ekosisteminin tərkib hissəsi olduğunu dərk etməyə çağırıblar. Planetin torpaq resurslarının mühümlüyünün dərk edilməsi dünya ölkələrinin hakimiyyətlərinin siyasətlərinə də mühüm təsir göstərməlidir.

İnamla demək olar ki, bu günün planetar mənasını hamıdan yaxşı bilən, torpağa bağlı olan dünya miqyaslı dövlət rəhbərlərindən biri 44 günlük müharibə ilə 30 il ərzində itirdiyimiz torpaqlarımızı geri qaytaran, torpaqlarımızda müasir yollar salan, beynəlxalq hava limanları tikdirən, “ağıllı şəhər” və “ağıllı kənd” layihələri üzərində işləyən, beynəlxalq turizm mərkəzləri yaradan müzəffər prezidentimiz İlham Əliyev və onun yaratdığı müzəffər Azərbaycan Ordusudur.

Yuxarıda deyilənləri nəzərə alaraq, müzəffər prezidentimiz İlham Əliyevi və onun yaratdığı müzəffər Azərbaycan Ordusunu Beynəlxalq Torpaq Günü münasibətilə təbrik edirəm! İlham Əliyevə can sağlığı və uzun ömür arzulayaraq, Azərbaycan torpaqlarını Cənnətə çevirməsini, Azərbaycan vətəndaşlarının rifahını yüksəklərə qaldırmasını arzulayıram!

Hörmətlə,
Prof.Dr. Qüdrət İsaqov
AMEA Fizika İnstitutunun əməkdaşı, Avropa Təbiət Elmləri Akademiyasının (ATEA) akademiki, Müstəqil Ekspert Qrupunun rəhbəri.




Bölməyə aid digər xəbərlər
13-01-2022, 13:33 Sabah Bakıda qar yağacaq

bütün xəbərlər
{sape_links}{sape_article}