12:54 / 24-05-2024
MEDİA müsabiqə elan edib
12:26 / 24-05-2024
Sabah yağış yağacaq
Dünya şöhrətli filmin daha müasir versiyası çəkiləcək
Tarix: 09-04-2024 00:31 | Bölmə: Mədəniyyət / Xəbərlər
Dünya şöhrətli filmin daha müasir versiyası çəkiləcək

1999-cu ildə ABŞ-da istehsal olunmuş “Matriks” bədii filminə maraq yenidən artıb.

Reyting.az
xatırladır ki, bu film Hollivudun "Warner Bros." və Avstraliyanın "Roadshow Entertainment" kino yayımları şirkətinin əməkdaşlığı və distribyutorluğu sayəsində lentə alınıb. Filmin çəkiliş büdcəsi 63 milyon dollar, ümumi gəlir xərcləri isə 467,222,728 milyon ABŞ dollarına bərabər olub. 136 dəqiqəlik "Matriks" elmi-fantastik janrda ekran işi kimi kino sənayesində, eləcə də geniş tamaşaçı kütləsi arasında uğur qazanmış çox baxımlı və orijinal ekran əsəridir. Bu gün də azalmayan tamaşaçı marağını nəzərə alan "Matriks" bədii filmi ilə bağlı kino şirkətləri, həmçinin film üzərində işləyən rejissor, ssenarist qrupu və geniş aktyor heyəti yenidən bu böyük həcmli ekran əsərinin mövzusuna qayıtmaq, filmin daha müasir versiyasını hazırlamaqla yanaşı ilk versiyadan da maraqlı "Matriks 2" filmini çəkmək istəyirlər.

Kinoşünaslar bildirirlər ki, gəlir məqsədi ilə çəkilən ekran əsərinə əslində "Matriks"-in süjeti və ideyası, kino dilində verilən mesajlar bu gün daha çox aktualdır. Film insanların əksəriyyəti üçün mövcud olan reallığın, əhalini sakitləşdirmək üçün ağıllı maşınların köməyi ilə yaradılan beyin simulyasiyasını, bədənlərinin istilik, həmçinin də elektrik fəaliyyətindən istifadə edildiyi bir gələcəyi təsvir edir. Buradakı beyinlər və əslində isə "adamcığazlar" maşınların enerji mənbəyidir. Onlar daim idarə edilir, öyrənilir, həm də qurtuluşu mümkün olmayan nəzarət altındadırlar.



Filmdə təsvir olunduğu kimi, bu maşınlara qarşı üsyançıların siyahısına düşmüş Neo adlı haker bir gün özünü qorxulu, həm də yeni dünyada tapır. Qəhrəman tək seçim qarşısındadır - simulyasiya nəticəsində varlığa qayıtmaq, yaxud da bu maşınlara qarşı mübarizəyə başlamaq. Bu da çıxış yoludur, əgər həqiqətən də o bir addım atsa, "xəyallar dünyasından" azad olmuş, reallığa çevrilmiş insanların əhatəsinə düşəcək. O döyüşməyi seçir.

Məhz "Matriks"-in bu orijinal süjet xətti zamanında böyük səs-küy yaradıb. Bu qeyri-adi hərəkətli rəsm fəlsəfi fikir sferasında çoxları üçün çox əhəmiyyətli əks-səda doğurub. Məhz elə bu səbəbdən də kino aləmində şöhrət qazanmış "Matriks" bədii filminin fəlsəfə çevrəsində çözümünə, eləcə də alleqorik mənasının müzakirəsinə bir çox tanınmış kino tənqidçilərinin çoxsaylı məqalələri həsr olunub. Bu ekran əsərinin məntiqi izahını verənlərin yazdıqlarına görə, geniş təhlil edilən “Matriks” filminin ideyasına tam uyğun gələn ən gözəl cavab əslində Platonun mağara mifində tapılır. Bundan əlavə, filmdə bir sıra fəlsəfi, dini və bədii xatirələr də var.

Qeyd olunur ki, film üçün mümkün ilham mənbələrinə bəzi istinadlar mövcuddur. Bunların arasında qnostisizm, kiberpank və haker subkulturası, üstəlik, çox sevimli uşaq əsərlərindən biri hesab edilən "Alisa möcüzələr ölkəsində"ki obrazların içində olduğu xəyali məkanda təsvir olunmuş "yaşıl ideya", yaxud tanınmış yazıçı İsaak Asimovun “Peşə” romanı, həmçinin Artur C. Klarkın “Şəhər və ulduzlar” romanı və bununla yanaşı bir çox Honq Konq döyüş filmlərinin süjetlərinə bənzəyən müəyyən detallar, hətta uşaqlar üçün lentə alınmış “Qabıqdakı Xəyal” animasiyasına istinad belə daxildir. Bunun da məqsədi ancaq "Matriks"-in geniş, dolğun, baxımlı filmə çevrilməsinə xidmət edib.

Müştərək film olsa da Hollivud bazasında çəkilmiş, ABŞ-da istehsal edilən "Matriks" kimi məhşurluq qazanmış ekran əsərinin ərsəyə gəlməsində, bu qeyri-ənənəvi bir elmi fantastika janrında çəkilmiş baxımlı filmin üzərində işləyən rejissorların, yəni Vaçovski qardaşlarının (rejissor, eləcə də ssenari işi bu qardaşlarındır), həmçinin prodüser Coel Silverin sözsüz ki, böyük əməyi var.

Baş rollarda Kian Rivzin, Lorens Fişberin, Kerri-Enn Mossun, Co Pantolianonun və Hyu Uivinqin iştirak etdikləri film ilk dəfə 1999-cu il, martın 31-də Amerikada nümayiş olunub və uğur qazandıqdan az sonra daha üç filmin - komiks, kompüter oyunları, animenin daxil olduğu eyniadlı media franşizasının yaradılmasına xidmət edib.

"Warner Bros. Entertainment" şirkətinin və bu kino konsernin tərkibində fəaliyyət göstərən "Warner Bros. Studio" yeni bir layihəsini işə salıb. Kino şirkəti "Matriks" filminin ardını çəkməyə, bununla bağlı iş aparmağa qərar verib. Filmin rejissoru isə “Meşədəki daxma” filminin müəllifi Dryu Qoddard olacaq. Bununla bağlı açıqlama da verilib. Kino şirkəti bu böyük layihənin reallaşacağını vəd etsə də, baş rolun ifaçısı Kian Rivzin çəkiliş meydançasına qayıdıb-qayıtmayacağı hələ məlum deyil.



"Warner Bros. Studio" şirkəti bu layihəyə "Meşədəki daxma" ekran əsərinin müəllifi Dryu Qoddardı yeni "Matriks"-in yazıçısı, ssenari müəllifi və filmin direktoru təyin edib. O, film üzərində orijinal həmmüəllif olan Lana Vaçovski ilə işləyəcək. Artıq işə başlanılsa da, belə məlum olur ki, məhşur kinoprodüser Coel Silver yeni layihədən kənarda qalıb.

Beləliklə, Dryu Qoddar "Warner Bros"-a gəlib. Həm də Lana ilə Lililin iyirmi beş il əvvəl başladığı işə hörmət əlaməti olaraq belə bir franşizanı davam etdirmək üçün inanılmaz və orijinal yol açan yeni ideya ilə. O, gəlişi ilə seriallara və personajlara öz sevgisinə əsaslanan unikal perspektiv təklif edib. Qoddar bir daha sübut edir ki, o təəccübləndirməyi bacarır.

Cess Erman istehsal rəhbəri kimi "Warner Bros"-un bu layihəsini dəstəklədiyini və əlindən gələni edəcəyini deyib.

Onu da xatırladaq ki, Dryu Qoddard öz karyerasına doxsanıncı illərdə dövrünün hit seriallarına ssenari yazmaqla başlayıb. Daha sonra isə böyük ekran əsərləri üçün işbirliyinə cəlb edilib. Onun filmləri dünya üzrə ümumilikdə 1,5 milyard dollardan çox gəlir əldə edib.

Bu il üçün çəkilişi planlaşdırılan "Matriks 2"-nin birinci filmdəki əsas heyətinin isə yenidən öz əsas rollarına qayıdacaqlarını söyləmək hələ tezdir.

Bildirilir ki, yeni kult serialda Kian Rivz, Kerri-Enn Moss, Lourens Fişbern və Huqo Veəvinq, eləcə də Cada Pinket Smit rol alıb.

Layihənin şərtlərinə görə bu yeni və ardı çəkiləcək "Matriks" filminin süjeti barədə təfərrüatlar hələ ki, açıqlanmır.

Oqtay QORÇU
Reyting.az




Bölməyə aid digər xəbərlər
{sape_links}{sape_article}