14:48 / 08-08-2022
Daşkəsəndə yenə sel olub
12:45 / 08-08-2022
Sabah yağış yağacaq
Musiqili Teatr Belarus teatrı ilə müqavilə bağlayıb - Fotolar
Tarix: 24-06-2022 16:09 | Bölmə: Mədəniyyət
Musiqili Teatr Belarus teatrı ilə müqavilə bağlayıb

Belarus Respublikasında səfərdə olan Azərbaycan Dövlət Akademik Musiqili Teatrının nümayəndə heyəti bu gün Mogilyov vilayətindəki V.İ.Dunin-Martsinkeviç adına Dram və Komediya Teatrında olub. Kollektivlə görüşlər hər iki tərəfdə maraq doğurub.

Reyting.az
xəbər verir ki, sonda teatr rəhbərləri arasında əməkdaşlıq müqaviləsi imzalanıb.

Akademik Musiqili Teatrın direktoru Əliqismət Lalayev deyib ki, səfər çox məhsuldar keçir: “Bir sıra rəsmi və işgüzar görüşlərdə iştirak etmişik. Burada fəaliyyət göstərən, şəhərin ictimai həyatında çox böyük rol oynayan diasporamızın üzvləri ilə görüşmüşük.

Bu gün isə Mogilyov vilayətindəki V.İ.Dunin-Martsinkeviç adına Dram və Komediya Teatrının direktoru Veronika Aleksandrovna Vinel ilə hər iki teatr üçün faydalı olacaq əməkdaşlıq müqaviləsi imzaladıq. Müqavələyə əsasən gələcəkdə teatrlararası yaradıcılıq əlaqələrinin davam etdirilməsi, rejissor, aktyor, rəssam mübadiləsinin həyata keçirilməsi nəzərdə tutulur. Eyni zamanda iki ölkə dramaturqlarının əsərlərinin həm Bakıda, həm də Belarusda səhnəyə qoyulması və bu kimi məsələlərlə bağlı söhbətlər apardıq.

Ümidvaram ki, bu əməkdaşlığımız mədəniyyətimizin və teatr mühitinin inkişafına öz töhfəsini verəcək”.

Ə. Lalayev əlavə edib ki, sabah bu vilayətin Bobruysk şəhərində "Dostluq çələngi" Beynəlxalq Teatr Festivalında iştirak edəcəklər: “Dünya şöhrətli yazıçı Fyodr Dostayevskinin "Utancaq qız" fantastik povesti əsasında hörmətli Xalq artistimiz Cənnət xanım Səlimovanın quruluşunda səhnələşdirilən eyniadlı monotamaşanı təqdim edəcəyik. Festival səhnəsinə əsərin yeganə qəhrəmanı Şövqi Hüseynov çıxacaq”.






Bölməyə aid digər xəbərlər
{sape_links}{sape_article}