17:38 / 28-03-2024
Əməkdar artist vəfat edib
Deputat: “Hakimiyyəti idarə edə bilmirlər...”
Tarix: 16-06-2020 14:38 | Bölmə: Siyasət
Deputat: “Hakimiyyəti idarə edə bilmirlər...”

“Ermənistan hakimiyyətində komanda yoxdur. Əslində bir qrup şəxs küçədən hakimiyyətə gəlib və hakimiyyəti düz-əməlli idarə edə bilmirlər. Eyni zamanda anlayırlar ki, zaman keçdikcə nüfuzdan düşürlər. Bu halda güc strukturlarına da arxalana bilmirlər”.

Bu fikirləri Reyting.az-a Milli Məclisin deputatı, sabiq dövlət müşaviri Rasim Musabəyov deyib.

Musabəyovun sözlərinə görə, məhz bu səbəbdəndir ki, Ermənistanın Baş naziri Nikol Paşinyan eyni gündə Ermənistanın Milli Təhlükəsizlik Xidmətinin rəhbərini, Baş Qərargah rəisini və Polis şefini vəzifədən azad edib.

Musabəyov xatırladıb ki, vergilər sahəsində də müəyyən nöqsanlar üzə çıxdığından, bu strukturlarda da dəyişikliklər aparılıb: “Bütün bunlar göstərir ki, Ermənistan hakimiyyətində peşəkar komanda yoxdur”.

Deputat hesab edir ki, Ermənistanda bu gərginliyin hara qədər inkişaf etməsi real vəziyyətdən asılı olacaq: “Bütün bunların üzərinə koronavirusla bağlı yaranan ciddi gərginliyi də gəlmək olar. Üstəlik, iqtisadi vəziyyətdən pisdir. Belə olduğu təqdirdə arxasınca diplomatik uğursuzluqlar və bizim onlara “şapalaq vurmaq” məcburiyyətində qalmağımız Paşinyanın hakimiyyəti tərk etməsinə səbəb olacaq. Onlar bu reallıqları anlayır və ehtiyatlanırlar. Bu halda Paşinyan kamandasının çevik davranıb reallıqlarla hesablaşıb-hesablaşmayacağını öncədən söyləmək bir qədər çətindir”.

Xatırladaq ki, iyunun 8-də Ermənistanın Baş naziri Nikol Paşinyan Baş Qərargah rəisi Artak Davtyanı, Milli Təhlükəsizlik Xidmətinin direktoru Eduard Martirosyanı və polis rəisi Arman Sarkisyanı vəzifədən uzaqlaşdırıb. Siyasi analitiklər bu addımın erməni hakimiyyəti daxilində narahatlıqdan doğduğunu və düşmən ölkədə siyasi elita arasında amansız qarşıdurmanın güclənməsi kimi təqdim edirlər.




Bölməyə aid digər xəbərlər
17-03-2024, 12:16 “Kompas” səmtini azıb

{sape_links}{sape_article}