Yeni partiya elan olunub – AMP-nin əsas hədəfi Güney Azərbaycandır - Video
Tarix: 17-06-2020 13:30 | Bölmə: Siyasət
Yeni partiya elan olunub – AMP-nin əsas hədəfi Güney Azərbaycandır

Azərbaycan Mərkəz Partiyasının (AMP) təqdimat mərasimi keçirilib.

Reyting.az
xəbər verir ki, patiya elan olunmazdan əvvəl praktiki fəaliyyət həyata keçirib. O cümlədən 24-25 sentyabr 2019 tarixində Nyu-York şəhərində “İranın gələcəyi” adlı forumda iştirak edib.

Bununla da AMP Güney Azərbaycanı beynəlxalq səviyyədə təmsil edən ilk siyasi parrtiya olub. Bundan başqa, AMP Mərkəzi Şurasının üzvləri 2019-cu ilin dekabrın 1-də Brüsseldə təşkil olunan “Millətlər İttifaqı” sammitində iştirak edib.

AMP sədri Saleh Kamrani 2020-ci ilin ilk aylarında Avropa İttifaqı Şürasında Güney Azərbaycanı layiqincə təmsil edib. Partiya çoxlu sayda insan haqları təşkilatları ilə yaxın əlaqə qurub. O, Ukraynanın paytaxtı Kiyevdə planlaşdırılan “İranın gələcəyində Güney Azərbaycanın rolu” mövzusunda beynalxalq konfransa təşkilatçılıq etmək niyyətində olub, lakin pandemiya səbəbindən tədbir təxirə salınıb.

Partiyanın açılış mərasimində çıxış edən AMP sədri Saleh Kamrani bəyan edib ki, müqəddəs saydığımız milli davaya qatıldığımız gündən, millət, vətən, demokratiya və insan demişik. S. Kamrani deyib ki, yüz ildən artıqdır, vətənimiz, hiyləgər siyasət və bəlli məsələlər nəticəsındə layiqli kimliyini itirərək, bir neçə ölkə arasında parçalanmış hala gəlib.

S. Kamrani əlavə edib ki, bütün siyasət və işlərdə, millətimizin azadlığı, milli hakimiyyət, dilimizin rəsmiləşməsi, öz müqəddəratını təyin etməsi kimi üsullardan əsla vaz keçilməyəcək.

Partiyanın təqdimatı mərasimində Firudin Cəlilov, Atilla Kaya, Aygun Attar, Cavad Derəxti, Dilavər Əzimli və digər ictimai-siyasi xadimlər təbriklərini çatdırıblar.

Partiyanın 8 nəfərdən ibarət Mərkəzi Şurasına üzv seçilib.





Bölməyə aid digər xəbərlər
17-03-2024, 12:16 “Kompas” səmtini azıb

{sape_links}{sape_article}