17:38 / 28-03-2024
Əməkdar artist vəfat edib
Partiya sədri: “Harada türk toplumu varsa, bundan sonra Azərbaycanla fəxr edəcək” - Foto
Tarix: 30-09-2020 13:29 | Bölmə: Siyasət
Partiya sədri: “Harada türk toplumu varsa, bundan sonra Azərbaycanla fəxr edəcək”

“1993-cü ildə Rusiyanın Azərbaycana təzyiqlərinin məntiqi nəticəsində Kəlbəcər işğal olundu. Kəlbəcərin işğl edilməsinə səbəb sadə idi: Bakı-Tbilisi-Ceyhan neft boru kəmərinə dair niyyət protokolu imzalamışdıq. Məhz buna görə bizi cəzalandıraraq Kəlbəcəri işğal etdilər. Beləcə, rayonlarımız işğala məruz qaldı. BMT-nin mövcud 4 qətnaməsinin olmasına baxmayaraq, bu ərazilər Azərbaycana qaytarılmadı. Əksinə, Rusiya buna imkan vermədi. Ancaq indi zaman dəyişib və Azərbaycan öz sözünü deyir”.

Bu fikirləri Reyting.az-a açıqlamasında Cümhuriyyət Xalq Partiyasının sədri Bədrəddin Quliyev deyib.

B. Quliyev əlavə edib ki, indi Azərbaycan Ordusunun uğurlu əks-hücumu ilə Murov dağında Murovdağ silsiləsi yüksəkliyi ələ keçirilib: “Faktiki olaraq Azərbaycan Ordusu 27 ildir verilən və yerinə yetirilməyən BMT Təhlükəsizlik Şurasının qərarlarını həyata keçirir. Ordumuz Murov dağında tam qərarlaşmaqla faktiki Ağdərə-Kəlbəcər yoluna nəzarət edir, eləcə də bir sıra yüksəkliklər ələ keçirilib. Bu o deməkdir ki, sonrakı mərhələdə Füzuli, Cəbrayıl istiqamətində ciddi addımlar atılacaq. Bəli, bu gün Azərbaycan Ordusu Qarabağda, elə Dağlıq Qarabağın hava məkanına nəzarət edir. Son illər orduya ayrılan böyük maliyyənin nəticəsi idi ki, Azərbaycan Ordusu yeni texnlogiya əldə edib və bunun sayəsində Qarabağda üçüncü ölkənin imkanlarını son qoymuşuq”.


B. Quliyev

B. Quliyev qeyd edib ki, Rusiya son hadisələrdə özünü bilavasitə göstərməsə də, İran üzərindən, həm hava, həm də quru yollar vasitəsilə ermənilərə silah-sursat göndərir: “Mən hesab edirəm ki, bu, sonuncu addımlardır. Azərbaycan Ordusu məsələni ciddiyə alıb və irəliləyir. Hesab edirəm ki, bu, bölgədə yeni türk dəhlizinin yaranmasına səbəb olacaq”.

Partiya sədri xatırladıb ki, Türkiyə ilə Rusiya arasında 40 milyard dolları aşan ticarət əlaqəsi var: “Digər tərəfdən, indi Rusiyaya qarşı Qərbin ciddi sanksiyaları var və Türkiyə onun üçün xüsusi əhəmiyyətə malikdir. Yəni Rusiya Türkiyə ilə iqtisadi əlaqələrə son dərəcə əhəmiyyətlə yanaşır. Rusiya neft-qaz kəmərləri, kommunikasiya xətlərinə görə Türkiyənin əhəmiyyətini bilir. Yəni regionda türk faktoru mövcuddur. Həm də Rusiyanın əvvəlki qədər iqtisadi gücü yoxdur. Ona görə də indi cəbhədə şiddətli əməliyyatlar getsə də, tərəflər bilavasitə prosesə daxil olmur. Ümid edirəm ki, Azərbaycan öz sözünü deyəcək və yenidən türk mərkəzinə çevriləcək. Harada türk toplumu varsa, bundan sonra Azərbaycanla fəxr edəcək. Bu gün Azərbaycan türk dünyasının mübarizə apardığı, vuruşduğu ortaq mərkəzdir”.

Reyting.az




Bölməyə aid digər xəbərlər
17-03-2024, 12:16 “Kompas” səmtini azıb

{sape_links}{sape_article}