Qarabağdakı separatçıların silahlı dəstələri Paşinyana qarşı qiyama qoşulur
Tarix: 08-03-2021 15:32 | Bölmə: Siyasət
Qarabağdakı separatçıların silahlı dəstələri Paşinyana qarşı qiyama qoşulur

Azərbaycanın Xankəndi şəhərindəki erməni separatçılarının qanunsuz silahlı dəstələrinin 124 zabiti Ermənistan Silahlı Qüvvələrinin Baş Qərargah rəisi, general-polkovnik Onik Qasparyanı müdafiə edən bəyanatla çıxış edib.

Reyting.az
xəbər verir ki, cinayətkarların bəyanatında bildirilir ki, II Qarabağ müharibəsinin iştirakçıları olaraq mövcud vəziyyətə əsaslanıb siyasi məsələlərdə bitərəfliyi qorumaqla O. Qasparyanın Baş Qərargah rəisi olaraq vətənpərvərlik xidmətini davam etdirməsini xahiş edirlər.

Xatırladaq ki, 25 fevralda Ermənistanın Baş Qərargahı Baş nazir Nikol Paşinyan və hökumətin istefasını tələb etdikdən sonra Ermənistanda daxili siyasi vəziyyət daha gərginləşib.

Baş nazir bu bəyanatı hərbi çevrilişə cəhd kimi qiymətləndirib və Baş Qərargah rəisi O. Qasparyanın istefası təklifi ilə prezidentə müraciət edib. Prezident isə Baş nazirin vəsatətini imzalamayıb və etirazlarla geri qaytarıb. Hazırda erməni hökuməti Baş Qərargah rəisini vəzifəsindən uzaqlaşdırmaq üçün əlindən gələni edir. Bu hadisələr fonunda Qarabağda qalan separatçıların 124 “hərbçisi” erməni hökumətinə qarşı çıxaraq Qasparyanı müdafiə edən mövqe sərgiləyirlər.

Reyting.az




Bölməyə aid digər xəbərlər
10-05-2021, 20:04 Lavrov Azərbaycana gəlib

bütün xəbərlər
{sape_links}{sape_article}