Yevlax görüşündə erməniləri kimlər təmsil edib?
Tarix: 21-09-2023 13:46 | Bölmə: Slayd
Yevlax görüşündə erməniləri kimlər təmsil edib?

Məlum olduğu kimi, Azərbaycanın lokal xarakterli antiterror əməliyyatından sonra bu gün Yevlax şəhərində Azərbaycan dövlətinin təmsilçiləri ilə Qarabağın erməni icmasının nümayəndələri arasında görüş keçirilib.

Reyting.az
xəbər verir ki, Azərbaycan dövlətini Qarabağ bölgəsində yaşayan erməni sakinlərlə təmas üzrə məsul şəxs, deputat Ramin Məmmədov, Qarabağ iqtisadi rayonuna daxil olan işğaldan azad edilən ərazilərdə prezidentin xüsusi nümayəndəsinin müavini Bəşir Hacıyev və xüsusi nümayəndəliyin əməkdaşı İlkin Sultanov təmsil edib.

Bəs Qarabağdakı ermənləri təmsil etmiş Sergey Martirosiyan və David Melkumyan kimdir?

Reyting.az-ın araşdırmasına görə, Sergey Martirosiyan separatçı rejimin müxtəlif qanunsuz strukturlarında təmsil olunub. Sergey Martirosiyan saxta qurumun “Təhlükəsizlik Şurasında” işləyib, Vitali Balasanyana yaxın şəxs kimi tanınıb.

O, Xankəndi şəhərində Ramil Məmmədovla keçirilən birinci görüşdə də iştirak edib. Bu iştirakdan sonra onu sülhməramlılar üzrə təmsilçi “vəzifəsindən” azad ediblər.

S. Martirosiyanın övladının 44 günlük müharibədə itkin düşdüyü iddia olunur. Erməni mediası S. Martirosiyanı V. Balasanyanın yaxın adamı kimi təqdim edir və bildirir ki, separatçıların rəhbərliyi ilə fikir ayrılıqları var.

Qarabağ ermənilərinin görüşdəki digər təmsilçi David Melkumyan 1980-cı ildə Xankəndi şəhərində doğlub, daha çox qeyri-hökumət təşkilatları sferasında çalışıb, guya separatçı rejimin gənclərinə nümunə olub. Bu şəxs 2010-cu ildən siyasi fəaliyyətə başlayıb, saxta demokrat partiyasının təmsilçisidir, eyni zamanda qondarma qurumun qanunsuz parlamentinin “deputatı”dır.

E. KAMAL




Bölməyə aid digər xəbərlər
{sape_links}{sape_article}