Əli Həsənov: "Azərbaycan və Gürcüstan arasındakı dostluq münasibətləri kimlərisə ciddi narahat edir"

Xəbər lenti

11:29 / 23-08-2019

Səhiyyə Nazirliyi Hacıqabuldakı ağır qəza ilə bağlı açıqlama yaydı

11:10 / 23-08-2019

Mədət Quliyev özünə yeni müşavir götürdü

10:57 / 23-08-2019

11 erməni hərbçi yaralandı - Səbəb

10:30 / 23-08-2019

Mikroavtobus qəzasında 8 nəfər yaralanıb - Siyahı

10:22 / 23-08-2019

DİM-dən abituriyentlərə - Xəbərdarlıq

10:16 / 23-08-2019

Bu gün 3 rayonda qaz təchizatı dayandırılıb

10:12 / 23-08-2019

Nazirlər Kabinetinin qərarında dəyişiklik edilib

01:13 / 23-08-2019

Xalq artistləri əsəbləşib: izləyici təhqir olunub - Foto

00:47 / 23-08-2019

Şah Qacar səhnəyə qayıdır - Foto

00:38 / 23-08-2019

Avropa Liqası: "Qarabağ" uduzdu

00:35 / 23-08-2019

Füzuli və Cəbrayıl rayonlarının işğalından 26 il ötür

22:57 / 22-08-2019

FHN bazardakı yanğınla bağlı xəbər yaydı: “7200 kvadratmetr taxta məmulatları yanıb”

22:01 / 22-08-2019

Trampı yoldan çıxarmış şəxs aşkarlandı - Foto

21:53 / 22-08-2019

Həbs edilən iki deputat girov müqabilində buraxılıb

21:46 / 22-08-2019

Consonun ədəbsiz hərəkəti etiraz doğurdu

21:44 / 22-08-2019

Yaponiyadan etiraz: Cənubi Koreyaya nota verilib

21:40 / 22-08-2019

"Linfild" və "Qarabağ"ın start heyəti bəlli oldu

21:27 / 22-08-2019

İran ABŞ-a xəbərdarlıq etdi: "Sularımıza daxil olmayın"

20:18 / 22-08-2019

PA-nın məsul işçiləri bölgələrdə: camaatla görüş oldu, problemlərlə bağlı göstərişlər verildi

18:43 / 22-08-2019

Əliməmməd Nuriyev yeni vəzifəyə seçildi

18:28 / 22-08-2019

Tahir Kərimli: "Xəyanəti mən yox, AXCP, Müsavat və AMİP edib"

18:17 / 22-08-2019

"Neftçi" etiraz bəyanatı yaydı: "Təhqir olmaz"

18:10 / 22-08-2019

"Azneft"in yeni sözçüsü bəlli oldu

17:58 / 22-08-2019

Taxta bazarındakı yanğın söndürülüb

17:46 / 22-08-2019

Donald Trampın nəvəsi dünyaya gəlib - Foto

17:39 / 22-08-2019

İŞİD lideri özünə varis seçib

17:37 / 22-08-2019

Yunanıstanda sığınacaq verilməsi sadələşdiriləcək

17:34 / 22-08-2019

Baş nazirin qızından 130 milyonluq mənimsəmə - İttiham

17:15 / 22-08-2019

Yanğınla əlaqədar nəqliyyat vasitələrinin hərəkəti məhdudlaşdırılıb

17:00 / 22-08-2019

Mərkəzi Bank dolların rəsmi məzənnəsini açıqladı

Ən çox oxunanlar

21:35 / 21-08-2019

İlham Əliyev vergi ilə bağlı fərman imzaladı - Dəyişiklik

15:14 / 19-08-2019

Məktəblərdə rəhbər vəzifələrə seçim başlayıb

00:47 / 20-08-2019

Bakının metro kralının Londonda böyük sərvəti var: Hüseynovun oğlu əmlak biznesi ilə məşğuldur - Fotolar

16:28 / 19-08-2019

Putinin siyasi varisi: 14 ildir prezidentin yaxın çevrəsindədir - Foto

12:40 / 19-08-2019

Gəncə teraktı ilə bağlı şok video yayıldı - Video

11:08 / 19-08-2019

Deputatın oğlu və 5 qohumu saxlanılıb - 3 qurum birgə əməliyyat keçirib - Foto

16:39 / 21-08-2019

Deputat İqbal Məmmədov bir gündə 1 milyon 100 min manat xərcləyib

11:39 / 20-08-2019

Villalar, çoxsaylı bağlar, maşınlar, obyektlər, "zapravka"... - İcra başçısının saysız sərvətinin siyahısı

18:24 / 21-08-2019

İki nəfərə general rütbəsi verildi - XDMX-nin bir qrup əməkdaşı təltif olundu - Sərəncam

12:40 / 22-08-2019

Komitə sədri ilə nazir soydaşlarımızın probleminə biganə yanaşır

12:17 / 21-08-2019

Mehriban Əliyeva polkovnikin ailəsinə başsağlığı verib, vida mərasiminə əklil göndərib - Foto

11:35 / 19-08-2019

Radikal müxalifət terror faktlarını dəstəkləməklə nə demək istəyir? - Əli Həsənov

Əli Həsənov: "Azərbaycan və Gürcüstan arasındakı dostluq münasibətləri kimlərisə ciddi narahat edir"
Tarix: 16-07-2019 19:26 | Bölmə: Gündəm

Şirift ölçüsü:

“Keşikçi qala” sərhəd məntəqəsində baş vermiş məlum hadisə ilə bağlı Azərbaycan Prezidentinin ictimai-siyasi məsələlər üzrə köməkçisi Əli Həsənov Azərtac-a açıqlama verib. Reyting.az-ın məlumatına görə, Əli Həsənov iyulun 14-də “Keşikçi qala” sərhəd məntəqəsində bir qrup Gürcüstan vətəndaşı tərəfindən Azərbaycanın sərhəd növbətçi dəstəsinə qarşı törədilən insidentdən danışarkən deyib ki, Dövlət Sərhəd Xidməti tərəfindən həyata keçirilmiş təxirəsalınmaz tədbirlər nəticəsində insident aradan qaldırılıb və ərazidə təhlükəsizlik təmin edilib:

- Qeyd etməliyik ki, ümumiyyətlə, son aylar ərzində Azərbaycan və Gürcüstan arasında strateji münasibətlərin ruhuna tamamilə zidd olan bu tipli təxribatların artan xətt üzrə inkişafı müəyyən suallar doğurmaya bilməz. Artıq hər iki tərəfin ekspertləri səviyyəsində müzakirələrdə belə fikirlər səslənir ki, görünür, iki qonşu dövlət arasında formalaşmış dostluq, strateji tərəfdaşlıq münasibətləri kimlərisə ciddi narahat edir və bu ölkələri, onların xalqlarını qarşı-qarşıya qoymağa çalışan qüvvələr var. Müzakirələrdə bu qüvvələrin kimliyi barədə də müəyyən fikirlər səsləndirilir.

Şübhəsiz, Azərbaycan sərhədçilərinə qarşı törədilən son təxribat dövlətlər arasındakı münasibətlərə birbaşa zərbə vurmaq məqsədi daşıyır və ona görə də hər iki ölkənin müvafiq qurumları ciddi araşdırmalar aparmalı, bu təxribatı törədən qüvvələri müəyyən edərək onlara qarşı təsirli tədbirlər görməli idilər. Artıq Gürcüstanın Azərbaycandakı səfiri Xarici İşlər Nazirliyinə dəvət olunub, ondan məsələ ilə bağlı müvafiq izahat istənilib. Gürcüstan Xarici İşlər Nazirliyi də hadisəni pisləyən açıqlama ilə çıxış edib və bu istiqamətdə ciddi araşdırmalar apararaq günahkarların məsuliyyətə cəlb ediləcəyinə söz verib.

Əlbəttə, biz əminik ki, Azərbaycan və gürcü xalqları bundan sonra da belə məqamlarda təmkinlə, müdrikcəsinə davranaraq emosiyalara meydan verməyəcək, müvafiq rəsmi instansiyalar isə prinsipial şəkildə bu hadisələrin törədilməsində, iki dost ölkə arasında münasibətlərin gərginləşdirilməsində maraqlı olan qüvvələri, şəxsləri aşkarlayaraq cəzalandırılmasını təmin edəcəklər. Qaranlıq dairələrin dövlətlərarası münasibətlər müstəvisində söz sahibinə çevrilməsinə imkan vermək olmaz və belə cəhdlərə birdəfəlik son qoyulmalıdır.

Bununla yanaşı, təəssüflə qeyd edilməlidir ki, baş verən hadisələrdə böyük güclərin geosiyasi maraqları və onların daxili siyasi qüvvələrlə manipulyasiya cəhdləri özünü aydın büruzə verir. Həmçinin istər Gürcüstanda, istərsə də Azərbaycanda əsasən xarici təsir altında olan bəzi maraqlı siyasi qruplar baş vermiş insidentdən yararlanmağa və hakimiyyət uğrunda mübarizədə belə həssas məqamlardan istifadə etməyə çalışırlar. Görünən odur ki, bəhs olunan qruplar mövcud vəziyyətdən bəhrələnmək istəyən üçüncü tərəflərin tarixi-dini stereotiplərlə manipulyasiyası üçün açıqdırlar və bəzən də bilərəkdən xarici təsir üçün könüllü alət rolunu oynayırlar. Biz əvvəllər də ölkəmizin strateji maraqlarına qarşı “beşinci kolon”un imkanlarından istifadə cəhdlərini ifşa etmişik və buna yol verməmək zərurəti haqqında danışanda məhz belə halları nəzərdə tuturuq.

Qafqazda yeni münaqişə ocağı yaratmaq istəyənlərin diplomatik münasibətləri pozmaq, silaha sarılmaq kimi təxribatçı bəyanatları artıq xeyli vaxtdır ki, eşidilməkdədir. Məqsəd, əlbəttə ki, Cənubi Qafqazda yeni münaqişə ocağı alovlandırmaq yolu ilə öz ambisiyalarını Azərbaycana və Gürcüstana qəbul etdirməkdən ibarətdir. Bunun üçün onlar bir tərəfdən Gürcüstanda daxili siyasi çəkişmələri qızışdırmağa, o biri tərəfdən Azərbaycanda daxili radikal qrupların bu ölkədəki proseslərlə bağlı təxribatçı çağırışlarını təşkil etməklə iki dost ölkə arasında mili-vətəndaş ehtiraslarını qızışdırmaq və bu fonda qarşıdurma yaratmağa can atırlar. Lakin onlara 2015-cı ildə Türkiyə ilə Rusiya arasında az qala qarşıdurmaya səbəb olmuş təyyarə insidentini xatırlatmaqla böyük diplomatik qalmaqaldan tərəflərin necə müdrikcəsinə çıxması nümunəsini xatırlatmaq istərdik. Həmin dövrdə də hər iki tərəfdə münasibətləri hərb meydanında ayırd etməyə çağırışlar olunurdu. Lakin Moskva və Ankara təxribata getmədilər, məsələnin kökünü araşdırdılar, günahkarlar tapıldı və ciddi fəsadlar vəd edən insident aradan qaldırıldı.

Buna görə də Azərbaycan və Gürcüstan vətəndaşları qızışdırıcı çağırışlara uymamalıdırlar. İndi emosional çağırışlar, impulsiv davranış deyil, təmkin və müdriklik nümayiş etdirməyin zamanıdır.

Azərbaycan sərhədlərinin demarkasiya və delimitasiyası ilə bağlı müzakirələr yalnız Gürcüstanla aparılmır. Tarixə nəzər salsaq görərik ki, bu məsələdə insident yaşanan yeganə sərhəd xətti də son hadisənin baş verdiyi “Şəmkir” sərhəd dəstəsinin ərazisi olmayıb. Amma Azərbaycan ictimaiyyəti onu da çox gözəl bilir ki, mübahisələr, insidentlər zamanı bizim diplomatlarımız və sərhədçilərimiz bəzən ağır, yorucu görünən müzakirələrdə heç vaxt təmkinlərini itirməyiblər, milli maraqlarımızı əzmlə, peşəkarlıqla qoruyublar, Azərbaycanın haqlı mövqeyindən zərrə qədər də geri addım atmayıblar və bundan sonra da belə olacaq.

Müdrik gürcü və Azərbaycan xalqları arasında dostluq əlaqələrinin çox dərin tarixi kökləri var, indiyə qədər bu xalqları qarşı-qarşıya qoymaq, ədavətə sövq etmək kimsəyə müyəssər olmayıb. Münasibətlərimizin tarixi təcrübəsi göstərir ki, bizim talelərimiz də xeyli dərəcədə oxşar və bir-birinə bağlıdır. Bu tarixi təcrübə bizi qarşı duran tərəflər deyil, tərəfdaş olmağı, müstəqilliyimizi birlikdə qorumağı, sivil dünyaya birlikdə inteqrasiya etməyi öyrədir. Biz iqtisadi sahədə uğurlu əməkdaşlıq nümunəsini ortaya qoymaqla, hər iki ölkəyə böyük dividendlər gətirən mühüm enerji və nəqliyyat layihələrini reallaşdırmaqla fəal tərəfdaşlığın ən bariz nümunəsini bütün dünyaya nümayiş etdirmişik. Ölkələrimiz üçün taleyüklü məqamlarda dost dəstəyinin, bu dostluğa sadiqliyin hansı anlama gəldiyini əməli işimizlə göstərmişik. Əminik ki, bundan sonra da dost Azərbaycan və gürcü xalqları arasında ədavət toxumları səpmək istəyənlərin cəhdləri heç bir nəticə verməyəcək. Radikal mövqe tutaraq xalqları, dövlətləri təxribata çəkmək, bir-birinə qarşı qoymaq meyilləri müdriklik, əsrlərin sınağından çıxmış qarşılıqlı etimad mühiti qarşısında məğlub olacaq və regionumuzun yeni reallıqlarını unudaraq orta əsrlərin xiffətini çəkənlərin ekstremist təşəbbüsləri iflasa uğrayacaq.

Ana səhifəyə dön