16:53 / 21-05-2024
Ruslar hücuma hazırlaşır
14:49 / 21-05-2024
"Mercedes" "Tesla"-ya uduzur
Sağlam və uzun ömür yaşamağın 10 asan yolu var - Siyahı
Tarix: 23-04-2024 00:11 | Bölmə: Slayd
Sağlam və uzun ömür yaşamağın 10 asan yolu var

Dünyanın hər yerində “sağlamlıq hər şeydən əvvəl gəlir”, - deyilsə də, əksəriyyətimiz xəstəliklərdən qorunmaq üçün lazımi qaydalara əməl etmirik.

Reyting.az
-ın məlumatına görə, elmi araşdırmalar göstərir ki, insanlar gündəlik həyatlarında edə biləcəkləri 10 asan davranışla sağlam həyat sürə bilərlər.

Sağlamlıq üçün hər gün tətbiq oluna biləcək 10 asan hərəkəti həyata keçirmək təklif edilir:

1. Pəhrizinizə gündə 8 çiyələk əlavə etməklə yaddaşınızı və əhvalınızı yaxşılaşdıra, demans və depressiyadan qoruna bilərsiniz.

2. Səhər yeməyindən əvvəl məşq edin. Xüsusilə saat 07-09 arası məşq etmək faydalıdır.

3. Çox oturmayın.

30 dəqiqəlik oturmağı demək olar ki, istənilən fəaliyyət növü ilə əvəz etmək arıqlamağa kömək edir və ürəyi qoruyur.

4. Sürətlə yeriyin.

Leicester Universitetinin bu yaxınlarda dərc edilmiş araşdırmasına görə, sürətli yeriyən insanlar daha uzun ömür yaşayır, xərçəng və ya ürək xəstəliyindən ölmə ehtimalları az olur.

5. Lif istehlak edin.

Gündə əlavə 8 qram lif istehlakı ürək xəstəlikləri, diabet, kolorektal xərçəng hallarını və vaxtından əvvəl ölümləri 27 faizə qədər azaldır.

6. Günəş şüası altına çıxın.

Araşdırmalara görə, krem sürtmədən hər gün bir az günəş vannası qəbul etmək D vitamini səviyyəsini saxlamağa kömək edir və təzyiqi aşağı salır.

7. Söhbət edin.

Yaşı 50-dən yuxarı olan 900 insan üzərində aparılan araşdırma, sağlam sosial mühitə sahib olanların beyin strukturlarını qoruduğunu ortaya çıxarıb.

8. Gec yeməyin.

İspaniyalı elm adamları 100.000-dən çox insanın məlumatlarını təhlil edərkən, səhər saat 9-dan sonra yeməyin ürək-damar xəstəlikləri riski ilə əlaqəli olduğunu aşkar ediblər.

9. Yuxunuzu itirməyin.

ABŞ-nın Baylor Universitetinin tədqiqatçıları müəyyən ediblər ki, yatmazdan əvvəl bir neçə dəqiqə vaxt sərf edərək, növbəti gün üçün “görüləcək işlər siyahısı” yaratmaq daha tez yuxuya getməyə kömək edə bilər.

10. Beş dəqiqə uzanın.

Həftədə 5 dəfə sadə gərmə məşqləri edənlərin erkən ölüm riskinin 20 faiz azaldığı bildirilir.

Bundan başqa, alimlər zərərli qida ilə xərçəng xəstəliyi arasında “itkin əlaqəni” aşkar ediblər. Sinqapurda aparılan araşdırmalar nəticəsində məlum olub ki, zərərli qidalar istehlak edildikdə istehsal olunan kimyəvi maddələr xərçəng riskini artırır. Qırmızı ət və şəkər yükü xərçəngdən qoruyan genlərin işləməsinə mane olur. Bədənin şəkərli və yağlı qidaları parçaladığı zaman ayrılan metilglioksalın xərçəng xəstəliyinə qarşı BRCA2 geninin qorunmasını itirdiyi bildirilir.

V. QULİYEV
Reyting.az




Bölməyə aid digər xəbərlər
{sape_links}{sape_article}