Aktyor: “Əvvəldən bilsəydim o filmə çəkilməzdim...”

Xəbər lenti

22:37 / 31-03-2025

Zelenski prezident seçkilərinə hazırlaşır

19:41 / 31-03-2025

Keçmişə və gələcəyə yollanmaq reallığa çevriləcək

19:03 / 31-03-2025

Donetski ələ keçirmək rus ordusu üçün prioritetdir

18:45 / 31-03-2025

Almaniya səfiri Azərbaycan XİN-ə çağırılıb

18:31 / 31-03-2025

PUA və dronlar mövqelərimizə yaxınlaşıb, hərbçilərimiz atəşə tutulub - (Yenilənib)

17:25 / 31-03-2025

Genetik Ehtiyatlar İnstitutunun həyətindəki ağacları kəsirlər

17:15 / 31-03-2025

Xaçmaz və Qubanın kəndlərində yanğın olub

15:24 / 31-03-2025

Qlobal fond bazarlarında gərginlik yaranıb

15:11 / 31-03-2025

Atəşkəs Kiyev üçün təhlükə yarada bilər

14:31 / 31-03-2025

Əliyevlə Pezeşkian arasında telefon danışığı olub

14:12 / 31-03-2025

Sabahın hava proqnozu açıqlanıb

13:26 / 31-03-2025

Gərginlik yenidən artır: İran raketlərini həyəcan vəziyyətinə gətirib

12:49 / 31-03-2025

Sabah Almaniya prezidenti Azərbaycana gəlir

12:01 / 31-03-2025

Abşeronda oğul anasını qətlə yetirib

11:51 / 31-03-2025

Dövlət sərhədində müşahidə edilən uçuş aparatı zərərsizləşdirilib

11:37 / 31-03-2025

Prezident İlham Əliyev paylaşım edib - Foto

11:25 / 31-03-2025

Azərbaycana narkotik gətirən İran vətəndaşları saxlanılıb

10:51 / 31-03-2025

Mehriban Əliyeva Soyqırımı Günü ilə bağlı paylaşım edib - Foto

10:24 / 31-03-2025

Pentaqon rəhbəri məxfi məlumatları xanımı ilə bölüşür - Foto

10:08 / 31-03-2025

Ermənistanın əsassız iddialarına son qoyulmalıdır

09:58 / 31-03-2025

Ombudsman 31 mart soyqırımı ilə əlaqədar bəyanat yayıb

00:03 / 31-03-2025

Azərbaycanlıların soyqırımından 107 il ötür

23:39 / 30-03-2025

"Zirə" "Şamaxı"ya qalib gəlib

20:02 / 30-03-2025

May ayında iki gün iş olmayacaq

18:01 / 30-03-2025

Şeyx: "Bu, şəxsi işimdir, hər şeyi açıqlamalıyam?"

17:46 / 30-03-2025

Ərdoğan: "Türkiyə Azərbaycanda sülhə və təhlükəsizliyə önəmli töhfə verir"

17:45 / 30-03-2025

Belaruslu müxalifətçi itkin düşüb

15:24 / 30-03-2025

Ermənilər kəşfiyyat uçuşlarına cəhd edib, növbəti təxribata əl atıblar

14:06 / 30-03-2025

Sabah hava necə olacaq? - Proqnoz

10:52 / 30-03-2025

Səudiyyə Ərəbistanının Kralı İlham Əliyevi təbrik edib

Xəbər lentinin davamı

Ən çox oxunanlar

13:35 / 27-03-2025

Prezident və birinci xanım Qarabağa səfər ediblər - (Yenilənib) - Foto

14:54 / 27-03-2025

İsrail israr edir: Türkiyədənsə, Suriyada Rusiya bazaları qalsın

23:29 / 28-03-2025

Azərbaycan solçuları Türkiyə kommunistlərindən narazıdır

16:12 / 27-03-2025

İlham Əliyev və Mehriban Əliyeva Şuşada bir sıra açılışlarda iştirak ediblər - Fotolar

14:31 / 27-03-2025

İlham Əliyev: Ağdam ölkəmizin ən gözəl şəhərlərindən birinə çevriləcək

14:22 / 27-03-2025

İrəvan yenidən Rusiyaya meyllənir

15:42 / 27-03-2025

Cüt bacıların söhbəti - Akif Əli yazır

22:59 / 27-03-2025

Ramazanın 28-ci günü:İmsak və iftar vaxtı

12:28 / 27-03-2025

Nazir: Rusiyaya qarşı sanksiyaların ləğvi Putinin hərəkətlərindən asılıdır

20:24 / 27-03-2025

Beşmərtəbəli villanı “gecəqondu” adı ilə sökmək istəyirlər

21:35 / 28-03-2025

"Qarabağ" "Turan Tovuz"a qalib gəlib

23:32 / 28-03-2025

Tramp: “Əgər Tehran bizimlə razılığa gəlməsə..."

Aktyor: “Əvvəldən bilsəydim o filmə çəkilməzdim...” - Müsahibə
Tarix: 19-02-2024 16:33 | Bölmə: Müsahibə

Şirift ölçüsü:

Məhəmməd Şahməmmədli “Apatiya”nı şedevr hesab etmir və filmdə səhvlərin olduğunu deyir

İstedadlı teatr və kino aktyoru Hikmət Rəhimovun öz ssenarisi əsasında çəkdiyi “Apatiya” bədii filmi ətrafında müzakirələr davam edir. “Apatiya” ekranlara çıxan gündən mətbuatda, sosial şəbəkələrdə film barədə müxtəlif fikirlər səslənir, bəyənənlər də, tənqidi yanaşanlar da özlərini haqlı sayırlar.

“Apatiya”da Mənsur obrazına Məhəmməd Şahməmmədli çəkilib, bu onun kinoda ikinci roludur. Amma... Məhəmməd bəy bu sənətə yad adam deyil, çünki... Müsahibəni sona qədər oxuyandan sonra onu yaxından tanıyacaqsınız.

- Məhəmməd bəy, söhbətə elə başlayaq ki, oxucularımız sizi yaxından tanıya bilsin...

- Qazaxın II Şıxlı kəndində anadan olmuşam. Bizim tərəflərin sözə, sənətə bağlılığı heç kimə sirr deyil. 1988-ci ildə indiki Mədəniyyət və İncəsənət Universitetinin dram teatrı və kino aktyorluğu fakültəsinə qəbul olundum, kurs rəhbərim görkəmli sənətkar, Xalq artisti Fuad Poladov idi. Bu baxımdan özümü çox xoşbəxt hesab edirəm.

Bu gün tamaşaçıların “Aktrisa” filminin, “Vicdan haqqı”, “Yuxu kimi” teleserialların rejissoru kimi tanıdığı Rövşən İsax, həmin seriallarda baş rollarda oynayan Əməkdar artist Elxan Yunis, teatr səhnəsində, filmlərdə maraqlı obrazlar oynayan İlqarə Tosava, “SOY”-un rejissoru Səyavuş Hüseynli, sənədli filmlərin rejissoru Mübariz Nağıyev və mən eyni vaxta İncəsənət Universitetinə qəbul olunmuşduq. Bizim tələbəlik illəri mürəkkəb bir dövrə düşdü, Milli Azadlıq Hərəkatı, Meydan mitinqləri, müstəqillik uğrunda mübarizə, 20 Yanvar hadisələri, Birinci Qarabağ müharibəsi... Günümüz mitinqlərdə, aksiyalarda keçsə də Fuad Poladovun bir dərsini belə buraxmırdıq. Diplom tamaşası kimi Fuad müəllim bizim kursa Nodar Dumbadzenin “Darıxma, ana” pyesini hazırlayanda mənə Ruben-qoca erməni rolunu tapşırdı. Həmin tamaşadakı işimə görə mənə “əla” qiymət yazdı.

Yaxından tanıyanlar yaxşı bilir ki, Fuad Poladov sənətkar kimi də, pedaqoq kimi də necə prinsipial idi, ondan tanışlıqla, xahişlə və ya başqa bir yolla “əla” qiymət almaq mümkün deyildi.

- Fuad Poladovdan aldığınızın yüksək qiymətlə istənilən teatrın qapıları üzünüzə açıla bilərdi...

- Universiteti bitirəndən sonra az bir müddət Dövlət Gənc Tamaşaçılar Teatrında və Bələdiyyə Teatrında çalışdım, amma aktyor kimi fəaliyyətim çox az çəkdi. Sənətdən tam uzaqlaşmalı oldum.

- Yəqin ki, ciddi bir səbəb oldu?

- Ciddi səbəb deyəndə ki... Bayaq dediyim kimi, çox çətin bir dövr idi, teatrlar, kinostudiya ağır günlər keçirirdi, aktyor maaşı ilə dolanmaq olmurdu. Bu sahədən gedəndən sonra Müdafiə Nazirliyi sisteminə keçdim, artıq uzun illərdir ki, nazirliyin balansındakı Zabitlər Parkının rəisiyəm.

- Bu illər ərzində teatr, səhnə üçün darıxmadınız?

- İlk vaxtlar çox darıxırdım, çünki az müddət də olsa teatrda işləmişdim, necə deyərlər, səhnənin tozunu udmuşdum. Səmimi etiraf edim ki, illər keçəndən sonra bunlar hamısı unuduldu, başım öz iş-gücümə qarışdı.

- Və uzun illərdən sonra Hikmət Rəhimov sizi “Çılpaq” filmində Molla obrazına dəvət etdi...

- Hikmət Rəhimovla tanışlığımızın səbəbkarı Fuad Poladov olub. Mən ali məktəbi bitirəndən sonra da Fuad müəllimlə daim əlaqə saxlayırdım, tez-tez danışıb görüşürdük. Ağır xəstəliyə tutulandan sonra da zəng vurub maraqlanırdım, yalnız vəfatından bir ay öncə təmaslarımız kəsildi, çünki artıq telefonlara cavab vermir, heç kimlə ünsiyyət qurmaq istəmirdi. Rəhmətə gedəndən bu günə qədər əziz müəllimimin məzarı üstündə səliqə-sahman, yaşıllıq işlərinə özüm nəzarət edirəm.

Hikmət Rəhimovu tanıyanlar onun Fuad Poladova münasibətini gözəl bilir. Hikmət bəy maraqlanıb öyrənmişdi ki, Fuad müəllimin məzarını mən abadlaşdırıram, görüşüb tanış oldu. Beləcə, münasibətimiz, dostluğumuz yarandı. İki il əvvəl Hikmət dedi ki, bədii film çəkməyə hazırlaşıram, epizodik rol var, Molla obrazı, kömək edərsən?

- Əvvəllər belə təkliflər olmuşdu?

- Rövşən İsax, digər rejissor dostlarım bu illər ərzində bir neçə dəfə filmlərə, teleseriallara çəkilməyə dəvət etmişdilər, həmişə də onların təkliflərini geri çevirmişdim. Amma Hikmət saqqızımı necə oğurladısa ona “yox” deyə bilmədim. Razılıq verəndən sonra Hikmət dedi ki, xahiş edirəm, bir ay üzünü qırxma, saqqal saxla.

2022-ci il martın 8-də gəldim çəkiliş meydançasına. Epizodu Biləcəri qəbiristanlığında çəkməli idik. Hava da dəhşət soyuq idi, sən demə, ssenariyə görə yağış yağmalıdır. İndi təsəvvür edin, soyuq havada bir yandan da yanğınsöndürən maşından su tökülür başımıza... Əvvəldən bilsəydim belə çətin olacaq filmə çəkilməyə razı olmazdım.

Sevinirəm ki, dostumun ilk filmi çox uğurlu alındı, “Çılpaq” bir neçə nüfuzlu kinofestivalda nümayiş etdirildi, mükafatlara layiq görüldü.

- Debüt rolunuzun çətinliyindən danışdınız, amma deyəsən “Apatiya”ya çəkilməyə dərhal razılıq vermisiniz...

- Hikmət bəy ssenarini verdi, dedi ki, Mənsur obrazının mətni ilə tanış ol, istəyirəm səni çəkəm. Bildiyimə görə, Hikmət bu rolu başqa heç kimə təklif etməyib. Mən də çalışdım ki, Mənsuru inandırıcı oynayım.

Filmin çəkilişləri bir həftə boyunca balaca, dar bir otaqda səhər saat 11-də başlayıb, sübh tezdən başa çatırdı. Özü də “Apatiya”da rol alan aktyorların hamısı təmənnasız, qonorar tələb etmədən çəkilib.

Yeri gəlmişkən, filmdə polis zabitini oynayan Mübariz Quliyev də 1991-ci ildə bizim universiteti bitirməyinə baxmayaraq ilk dəfədir ki, çəkilib.

- Filmdə Mənsur danışıq, yemək tərzi, geyimi ilə öz qətlini tezləşdirir sanki. Belə qonağı ancaq öldürməklə ondan qurtulmaq olar...

- Əlavə etdiyim bir-iki ifadədən başqa hər şey ssenaridə nəzərdə tutulduğu kimidir. Hikmət improvizəyə o qədər geniş şərait yaratmırdı.

Bizim kənddə tanıdığım biri var idi, o, yemək yeyəndə ətrafındakılar bezirdi. Filmdə Mənsur da onun kimi yeyir. “Apatiya”nın qala-gecəsində tamaşaçılarla yanaşı oturub filmi izləyəndə Mənsurun necə nifrət qazandığını gördüm.

- Mətbuatda, sosial şəbəkədə “Apatiya” müzakirə edilir, filmdəki söyüşlər, erotik epizodlar tənqid olunur. Milli kinomuzda “Yarasa”, “İlahi məxluq”, “Nar bağı” kimi filmlərdə də belə kadrlar olsa da nədənsə “Apatiya” daha çıx qınaq obyektinə çevrilib...

- Film, tamaşa, rəsm əsəri yaxşı mənada mübahisə, müzakirə yaratmalıdır. Şəxsən mən “Apatiya”nın şedevr olduğunu iddia etmirəm, məhdud büdcə və texnika ilə çəkilən film səhvlərdən xali deyil. Obyektiv və peşəkar tənqidləri qəbul etmək lazımdır, söz-söhbət yaradan bir-iki kadra gəlincə... Bu gün ətrafımızda - paytaxtın küçələrində, telekanallarda, sosial şəbəkələrdə baş verən əxlaqsızlığa niyə etiraz olunmur? Mentalitet ancaq “Apatiya”ya baxanda yada düşür?

- “Apatiya”dan sonra yəqin ki, yeni rollara çəkilməklə bağlı təkliflər gələcək. Hazırsınızmı?

- Başqa rejissorları deyə bilmərəm, Hikmət bəylə yenidən işləmək istəyərdim. O gün söhbət edəndə dedi ki, təzə bir ssenari yazır, baş rolda da məni çəkmək istəyir, apreldə çəkilişlərə başlamaq fikri var. Hikmət Rəhimovla çalışmaq çox maraqlıdır.