17:38 / 28-03-2024
Əməkdar artist vəfat edib
Qarabağın azadlığı üçün vahid platforma təklif olundu - Müraciət
Tarix: 07-08-2019 17:11 | Bölmə: Slayd
Qarabağın azadlığı üçün vahid platforma təklif olundu

Qarabağ Azadlıq Təşkilatı (QAT) işğalçı Ermənistanın baş nazirinin, ümumiyyətlə ermənilərin son qanunsuz hərəkətlərinə cavab olaraq konkret təkliflərlə çıxış edib. Reyting.az xəbər verir ki, QAT-ın təklifləri Azərbaycan Respublikasının Prezidenti İlham Əliyevə göndərilib.

Qəbul edilmiş sənəddə aşağdakılar yazılıb:

Azərbaycanın Qarabağ bölgəsinin bir hissəsinin, Dağlıq Qarabağın, ətraf 7 rayonun hələ də Ermənistanın işğalı altında qalmasına artıq heç bir bəraət yoxdur. İşğalçı Ermənistanın baş naziri Nikol Paşinyanın Azərbaycanın işğal olunmuş Dağlıq Qarabağ bölgəsinə qanunsuz səfəri, orada mitinqdə çıxış edərkən Qarabağı Ermənistan ərazisi adlandırması, həyasız bəyanatlarla çıxış etməsi, Azərbaycanın işğal olunmuş Xankəndi şəhərində üzdəniraq “ümumerməni oyunları”nın açılışı adında şounun keçirilməsi bir daha göstərdi ki, Dağlıq Qarabağ münaqişəsinin dinc yolla həlli yoxdur, işğalçı Ermənistan ilhaqçı niyyətlərindən geri çəkilmək fikrində deyil, beynəlxalq təşkilatlar, vasitəçi qurumlar münaqişənin nizama salınması üçün ədalətli və obyektiv mövqe tutmaq istəmirlər. Son hadisələr onu da bir daha nümayiş etdirdi ki, Azərbaycan artıq vaxt itkisinə yol verməməli, ləngimədən torpaqlarımızın işğaldan azad edilməsi üçün hərbi əməliyyatlara başlamalıdır.

QAT bütün bunları nəzərə alaraq təkilf edir:

1. Azərbaycan hakimiyyətinin açıq dəstəyi ilə bütün ictimai, siyasi qüvvələr, təşkilatlar, xüsusilə də Qarabağ və müharibə təşkilatları bir araya gəlməli, birgə geniş dəyirmi masa və ya forum keçirilməlidir. Ermənistan hakimiyyəti və müxalifəti, dövləti və cəmiyyəti Qarabağ məsələsində tam vahid mövqedən çıxış edir. Düşmənə qarşı effektiv mübarizə aparmaq üçün bizim də adekvat mövqedən çıxış etməyimiz, milli birliyə nail olmağımız vacib şərtdir. Bu birliyin əldə olunması üçün hakimiyyətdə olan və ya hakimiyyətə yaxın partiya və yaxud ictimai təşkilat təşəbbüs etməli, bütün ictimai, siyasi qüvvələri bir araya gətirməlidir.

2. Bu dəyirmi masa və ya forumda Dağlıq Qarabağ münaqişəsinin həllinə, torpaqlarımızın işğaldan azad olunmasına dair Vahid Ümummilli Platforma hazırlanıb qəbul edilməlidir. Həmin platformada beynəlxalq təşkilatların qarşısında Ermənistanın işğalçı dövlət kimi tanınması, ona qarşı sanksiyaların tətbiq olunması, Azərbaycanın işğal olunmuş ərazilərindən çıxmasına dair real tədbirlərin müəyyən edilməsi və həyata keçirilməsinə dair tələblər qoyulmalıdır.

3. Azərbaycan hakimiyyəti beynəlxalq təşkilatların qoyulan tələblərə əməl etməyəcəyi halda xalqın bütün təbəqələrinin və qütblərinin geniş dəstəyinə arxalanaraq işğalçı Ermənistana qarşı hərbi əməliyyatlara başalamalıdır.

4. Azərbaycan hakimiyyəti bilməlidir ki, artıq başqa çıxış yolu qalmayıb. Səbr etməyə, gözləməyə yer yoxdur. Bir az da keçsə, xalq artıq özü kiçik dəstələr yaradıb, cəbhə xəttini keçərək partizan müharibəsini başlayacaq, digər mübarizə metodlarına əl atacaq. Hakimiyyət vaxtında düzgün qərar qəbul etməli, real addımlar atmalıdır.

5. Bütün dünya bilməlidir, ermənilər boş başları ilə anlamalıdırlar ki, Azərbaycan xalqı heç vaxt işğalla, torpaq itkisi ilə barışmayacaq. Qarabağı, Zəngəzuru, İrəvanı və digər ərazilərimizi hökmən işğaldan azad edəcəyik, bir qarış torpağımız da işğal altında qalmayacaq.

Hər kəs bilməlidir:

Qarabağsız Azərbaycan olmayacaq!

Ya Qarabağ, ya ölüm!

Reyting.az




Bölməyə aid digər xəbərlər
{sape_links}{sape_article}