16:01 / 15-12-2019
Azərbaycanda zəlzələ oldu
Dövlət borcuna xidmət xərclərinə 1 milyard 828 milyon manat yönəldiləcək
Tarix: 12-11-2019 12:56 | Bölmə: Slayd
Dövlət borcuna xidmət xərclərinə 1 milyard 828 milyon manat yönəldiləcək

Milli Məclisdə 2020-ci ilin dövlət büdcəsi müzakirəyə çıxarılıb.

Reyting.az
xəbər verir ki, gələn il üçün Ümumi Daxili Məhsulun real iqtisadi artımı 3 faiz, qeyri-neft sektorundan gələn artımlar isə 3,8 faiz proqnozlaşdırılır.

Bildirilir ki, büdcənin ənənəvi olaraq sosialyönümlülüyü təmin ediləcək.

2020-ci ilin dövlət büdcəsinin gəlirləri 24 milyard 134 milyon manat təşkil edəcək. Gəlirlərin 10 milyard 605 milyon manatı, yəni 43,9 faizi qeyri-neft sektoru üzrə daxilolmaların, 13 milyard 530 milyon manatı, yəni 56,1 faizi isə neft gəlirlərinin payına düşəcək.

Vergi orqanlarının xətti ilə büdcəyə 7 milyard 875 milyon manat, gömrük orqanlarının xətti ilə 4 milyard manat daxilolmalar proqnozlaşdırılır. Növbəti ildə Dövlət Neft Fondundan dövlət büdcəsinə 11 milyard 350 milyon manat transfer nəzərdə tutulur.

Dövlət büdcəsinin xərcləri 26 milyard 914 milyon manat təşkil edəcək. Xərclərin 17 milyard 276 milyon manatı cari xərclərə, 7 milyard 810 milyon manatı əsaslı xərclərə, 1 milyard 828 milyon manat dövlət borcuna xidmətlə bağlı xərclərə yönəldiləcək.

Bu illə müqayisədə növbəti ildə elm xərclərinə 42,1 faiz, təhsil xərclərinə 38,3 faiz, səhiyyə xərclərinə 31,3 faiz, sosial müdafiə və sosial təminat xərclərinə 31,1 faiz, mədəniyyət, informasiya, bədən tərbiyəsi və gənclər siyasətinə 29,3 faiz, müdafiə və hüquq-mühafizə orqanlarının saxlanması xərclərinə 22,5 faizdən çox vəsait nəzərdə tutulub.

Dövlət büdcəsinin 10 milyard 210 milyon manatı konkret proqram və tədbirlərin maliyyələşdirilməsinə yönəldiləcək.

Müdafiə və təhlükəsizliyin təmin edilməsi, məhkəmə hakimiyyəti, o cümlədən hüquq-mühafizə orqanlarının saxlanması xərcləri üçün 5 milyard 827 milyon manatın ayrılması nəzərdə tutulur.

Hərbi qulluqçuların mənzillə təmin olunması, əhalinin güzəştli mənzil əldə etməsi, ipoteka kreditləri ilə dəstəklənən məsələlərə də maliyyə ayrılacaq. Bu tədbirlərin maliyyələşdirilməsi üçün 245 milyon manat vəsait nəzərdə tutulur.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}