23:11 / 18-03-2024
Ukrayna ordusu geri çəkilir
20:16 / 18-03-2024
Borrell ikibaşlı danışır
ABŞ-ın Qarabağ problemini qaydaya salmaq cəhdi 3 məqamla bağlıdır - Politoloq
Tarix: 23-10-2020 17:07 | Bölmə: Slayd
ABŞ-ın Qarabağ problemini qaydaya salmaq cəhdi 3 məqamla bağlıdır

“Amerika ATƏT-in Minsk qrupunun həmsədridir. Onların Qarabağ münaqişəsində marağının olması təbiidir. Amma burada bir sıra məqamlar var. Biz gördük ki, Rusiya Xarici İşlər naziri Sergey Lavrovun təşəbbüsü ilə təşkil olunan görüşdən sonra ABŞ hesab etdi ki, sakit durmamalı və sözünü deməlidir. Çünki ABŞ super dövlətdir və vasitəçi olduğu bu konfliktlə bağlı qəti mövqeyini bildirməlidir. Ən azı bunu nümayiş etdirməlidir”.

Bu fikirləri Reyting.az-a politoloq Fikrət Sadıqov bu gün ABŞ-ın Dövlət katibi Pompeo ilə Azərbaycan və Ermənistan xarici işlər nazirlərinin Vaşinqtonda keçiriləcək görüşünü şərh edərkən deyib.


F. Sadıqov

Qarabağ danışıqları və mümkün razılaşmalardan danışan sabiq diplomat qeyd edib ki, ABŞ-ın bu məsələdə fəallıq nümayiş etdirməsinin bir neçə səbəbi var:

“Əvvəla, hazırda ABŞ-da prezident seçkiləri kampaniyasının sonuncu və ən güclü mərhələsidir. Ağ Ev arzu edir ki, bu məsələdə bir nəticə əldə etsin və sülhməramlı rolunu oynasın. Bu, həm də indiki administrasiyanın seçicilərə istiqamətlənən addımı olardı.

Bu məsələnin ikinci tərəfi ABŞ-dakı erməni lobissi və onun roludur. Görünən odur ki, erməni lobbisi də Ağ Evə öz təzyiqini göstərir, siyasi elitalara mövqeyini açıqlayır. Unutmayaq ki, ABŞ-da çox zəngin erməni lobbisi var. Onlar maraqlıdır ki, Ağ Ev Azərbaycana təzyiq etsin.

Üçüncü amil yuxarıda qeyd etdiyim kimi, ABŞ-ın super dövlət olması və baş verən konfliktlərə reaksiyasıdır. Yəni Rusiya konfliktlə bağlı belə bir addım atırsa, təşəbbüs göstərirsə, “biz niyə etməyək”,- məsələsi”.

Politoloq sonda əlavə edib ki, Azərbaycan və Ermənistan xarici işlər nazirlərinin Vaşinqtonda hər hansı razılaşma əldə edəcəyini gözləmir.

Məlumat üçün bildirək ki, bu gün Azərbaycan və Ermənistan xarici işlər nazirləri ayrı-ayrılıqda ABŞ Dövlət katibi Mayk Pompeo ilə görüşəcək. Görüş Bakı vaxtı ilə 17:30-da başlayacaq. Hər iki nazir ABŞ Dövlət katibi ilə bir saat müzakirə aparacaq.

Reyting.az




Bölməyə aid digər xəbərlər
{sape_links}{sape_article}