Sərdar Cəlaloğlu: “Azərbaycan Ordusu mütləq Ermənistan ərazisinə daxil olmalıdır”
Tarix: 28-10-2020 11:30 | Bölmə: Slayd
Sərdar Cəlaloğlu: “Azərbaycan Ordusu mütləq Ermənistan ərazisinə daxil olmalıdır”

“Nikol Paşinyanın dünən xalqa mürciətində işlətdiyi fikirlər batmaqda olan bir şəxsin saman çöpündən yapışmasına bənzəyirdi. Yaxşı olardı ki, onlar Ermənistan uğrunda müvafiq şüarlarla çıxış etsinlər. Çünki onların vətəni Ermənistandır. Qarabağın isə onlara heç bir aidiyyəti yoxdur. Qarabağda 100 il əvvəl məskunlaşıblar və 20-30 min erməni yaşayıb. Digərləri isə başqa ölkələrdən gətirilib. Onların da nə Azərbaycana, nə də Qarabağa aidiyyəti olmayıb”.

Bu fikirləri Reyting.az-a Azərbaycan Demokrat Partiyasının (ADP) sədri Sərdar Cəlaloğlu dünən axşam Ermənistan Baş naziri Nikol Paşinyanın xalqa müraciətini şərh edərkən deyib.

S. Cəlaloğlu əlavə edib ki, əgər Paşinyan Qarabağda hər ağac uğrunda savaşacaqlarını deyirsə, Azərbaycan əsgəri də ərazidə hər səngər uğrunda savaşacaq.

S. Cəlaloğlu N. Paşinyana xitabən deyib ki, sənin ən güclü texnikan, vuruşan ordun olduğu vaxtda, üstəlik, 30 il ərzində yaratdığın müdafiə xəttini Azərbaycan Ordusu 30 gün ərzində darmadağın edibsə, ləyaqətlə təslim ol və qoşunlarını Azərbaycan ərazilərindən çıxart: “Üstəlik, münaqişə bu gün başlamayıb. 100 ildir ki, Qarabağın problemi var. Bu tarix də Azərbaycan müstəqillik əldə etdikdən sonra başa çatıb. Qalır məsələni həll etmək. Bunu da Azərbaycan Ordusu edir”.

ADP sədrinin fikrincə, əslində Azərbaycanın Ermənistanla bağlı problemləri var:

“Sovet vaxtı bizim xalqımızın iradəsi olmadan ərazilərimiz Ermənistana verilib. Putin yayda deyirdi ki, bəzi ölkələr az torpaqla SSRİ tərkibinə daxil olsa da, çox torpaqla ondan ayrılıb. Belə respublikalardan biri Ermənistandır. Ermənistan SSRİ tərkibindən 30 min kvadrat kilometr ərazi ilə çıxıb. Baxmayaraq ki, Ermənistanda sovet hakimiyyəti qurulanda onların bu qədər ərazisi olmayıb. Bu torpaqların hamısı Azərbaycanındır və geri qaytarılmalıdır. Əgər Ermənistan bu müharibəni uzatsa, başqa qüvvələr bu işə qoşulsa, Azərbaycan Ordusu mütləq Ermənistan ərazisinə daxil olmalıdır. Yəni müharibə təkcə Azərbaycan deyil, həm də Ermənistan ərazisində aparılmalıdır. Əgər bu, Ermənistan-Azərbaycan arasında müharibədirsə, niyə ancaq Azərbaycan ərazisində getməlidir? Ermənistan da müharibə zonasına çevrilməlidir. Onlar da görməldiir ki, müharibədə kəndlərin, şəhərlərin dağılması nə deməkdir. Bu zaman müharibənin nəticələrini qanmaq məcburiyyətində qalacaqlar”.

Reyting.az




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}