11:29 / 07-12-2021
Azərbaycan nefti bahalaşır
Əliyev-Paşinyan görüşünə mane olurlar - Professor
Tarix: 20-10-2021 14:09 | Bölmə: Slayd
Əliyev-Paşinyan görüşünə mane olurlar

“Azərbaycan Respublikasının Prezidenti İlham Əliyevlə Ermənistanın Baş naziri Nikol Paşinyanın bir araya gələrək iki ölkə arasındakı problemləri müzakirə etmələri yaxşı olardı. Amma mənim qənaətimcə, belə bir təmas Rusiyanın xeyrinə deyil. Əgər bu iki şəxs bir araya gələrək problemləri özləri yoluna qoya bilsələr, bu zaman Rusiyaya hansı ehtiyac qalır ki? Bu mənada düşünürəm ki, Moskva bu iki şəxsin görüşünə o qədər də maraqlı deyil”.

Bu sözləri Reyting.az-a AMEA-nın əməkdaşı, professor Əli Abbasov Azərbaycanın dövlət başçısı ilə Ermənistanın Baş naziri arasında mümkün görüşdən danışarkən deyib.

Ə. Abbasov xatırladıb ki, həm Azərbaycan lideri İ. Əliyev, həm də Ermənistanın Baş naziri N. Paşinyan belə bir görüşü mümkün sayıb: “Ancaq bundan sonra Paşinyan Rusiyaya səfər etdi və Moskvada görüşlər keçirdi. Bundan sonra iki ölkə lideri arasında görüş məsələsi sanki gündəmdən çıxdı. Yəni məsələni Azərbaycan və Ermənistan həll etsə, əlavə heç kimə ehtiyac qalmır. Bu halda Rusiyanın vasitəçiliyi, qarantiyası, bölgədə sülhməramlılarına ehtiyac olmur”.

Gürcüstanın da Azərbaycan və Ermənistan arasında vasitəçiliyə cəhdlər göstərdiyini xatırladan Ə. Abbasov qeyd edib ki, bir müddət əvvəl tərəflərin özləri görüş haqda açıq fikirlər işlədirdi: “İndi isə bu məsələ sanki arxa plana keçib. Bu nə ilə bağlı ola bilər? Fikrimcə, kimlərsə belə bir görüşün baş tutmasını istəmir. Kimlərsə deyəndə, bunu kimin istəmədiyi gözümüzün qarşısındadır.

Gürcüstan isə bu barədə fikirlər işlədib, hətta tərəflərə öz təşəbbüsü haqda məlumat verib. Amma hələ bir nəticə yoxdur”.

Professor sonda əlavə edib ki, görüş üçün bir qədər də gözləmək lazımdır. Əvvəl-axır tərəf olan ölkələrin bir nömrəli fiqurları eyni masa arxasında oturmalıdır.




Bölməyə aid digər xəbərlər
bütün xəbərlər
{sape_links}{sape_article}